O`zbеkiston rеspublikasi xalq ta'limi vazirligi a. Qodiriy nomidagi jizzax davlat pеdagogika instituti “Pedagogika-psixologiya” kafedrasi

«Мен танладим» машқи 
Сизнинг олдингизда мактаб психологлари портретлари турибди. Улар 
ҳаётдагидек, хилма хил. Қайсинисини ёқтиришингизни айтинг: ўз
муаммоингиз бўйича уларнинг қайсисига мурожаат қилган бўлар эдингиз?
1

портрет. 
Мактабда ёш қиз психолог бўлиб ишлайди. У кўзойнак тақади, ақлли, билимли, ўзига 
ишонади. У эркин, қатъий, расмий мурожаат қилади. Ҳамма нарсани билади ва қила 
олади. Ўқитувчиларнинг саволларига «Бундай қилиш керак, сиз бўлсангиз ҳаммасини 
нотўғри қиласиз?..»- деб жавоб беради.
2

портрет. 
Мактаб психологи- 30 ёшлардаги секин ҳаракат қиладиган йигит. У доим жинси ва 
узун свитрда юради. Мактабда кўпчилик билан гаплашмайди, ўз хонасида жим ўтириб 
ишлайди. Кўзлари маъюс, ўзига тегишли нима ҳақидадир ўйлайди. Ўқитувчиларнинг 
саволларига ўйланиб: «Э-э-э, Биласизми, бу мураккаб муаммо»,- деб жавоб беради. 
Узоқ давом этган суҳбатдан сўнг секин-аста кўп нарса тушунарли бўлиб боради.
3

портрет. 
Мактабда собиқ ўқитувчи К.Л. психолог бўлиб ишлай бошлади. У психологик 
курсларни битирди. Мактабда психолог нима ишлар қилиши кераклигини ҳали аниқ 
билмайди. У ўз кучига ишонмайди. Лекин у очиқ кўнгил, меҳрибон, ҳаётий тажрибага 
бой.
4

портрет.  
35 ёшли эркак киши психолог бўлиб ишлайди. Психологик факультетни сиртдан 
тугатиб, икки йил олдин мактабга келди. 
Илгари қайсидир илмий текшириш институтида инженер бўлиб ишлаган. Фаол 
мулоқатчан, ҳазилкаш мактабга келган кунидан бошлаб ўрта ва юқори синф 
ўқувчилари у билан дўстлашиб олишди: миллий кураш бўйича тўгарак ташкил 
қилишди, туристик саёҳатларга боришди. Ўқитувчилар ҳайрон: танаффус ва 
дарслардан сўнг психолог хонаси олдида болалар гавжум. Нима ҳақдадир 
баҳслашишади, мусиқа тинглашади. У ҳеч кимни атайлаб чиқармайди, ўзи ҳам 
қизиқиб баҳслашади, кўпчилик унга интилади.