Њзбекистон республикаси олий ва њрта махсус таълим вазирлиги

Индуктив хулоса чиқариш
Биз аввалги мавзуда зарурий хулоса чиқариш билан (дедуктив хулоса
чиқариш асосида) танишиб чиққан эдик. Мантиқда эҳтимолий хулоса чиқариш
ҳам ўрганилади.
Эҳтимолий хулоса чиқариш турли хил шаклларда, шу жумладан, индуктив
хулоса чиқариш шаклида амалга ошиши мумкин. Уларнинг барчасига хос
хусусият – хулосанинг асослардан мантиқан зарурий равишда келиб чиқмаслиги
ҳамда фақат маълум бир даражада тасдиқланишидир. Асосларнинг хулосани
тасдиқлаш даражаси мантиқий эҳтимоллик, деб ном олган.
Эҳтимолий хулоса чиқариш баъзан индукция (лотинча– inductio – ягона
асосга келтириш) - жузъий билимдан умумий билимга мантиқан ўтиш шаклида
содир бўлади.
Индуктив хулоса чиқариш эмпирик умумлаштириш шаклида амалга ошиб,
унда
бирорта белгининг маълум бир синфга мансуб предметларда
такрорланишини кузатиш асосида, шу белгининг мазкур синфга тегишли барча
предметларга хослиги ҳақида хулоса чиқарилади.
Индукция асосида чиқарилган хулосалар илмий билишда ўрнатилган турли
эмпирик қонунлар, яратилган умумлашмалар тарзида ўз аксини топади, предмет
ва ҳодисалар ҳақидаги билимларимизни кенгайтиришга олиб келади.
Индуктив хулоса чиқариш билвосита хулоса чиқариш ҳисобланади, яъни
унинг асослари иккита ва ундан ортиқ мулоҳазалардан ташкил топган бўлади.
Улар, одатда, якка предмет ёки предметлар синфининг бир қисмини ифода
қиладилар. Хулосада эса, бир мантиқий синфга мансуб предметларнинг барчасига
нисбатан умумий ҳукм тарзидаги фикр ҳосил қилинади.
Демак, индуктив хулоса чиқаришда яккалик, жузъийлик ва умумийликнинг
диалектик алоқасини кузатамиз. Айрим фактларни ифодалайдиган, жузъий
характерга эга бўлган билимлар умумий билимларни ҳосил қилиш учун мантиқий
асос бўлиб хизмат қилади. Такрорланиб турувчи турғун алоқалар, одатда,
предметларнинг муҳим зарурий алоқаларидан иборат бўлгани учун, бу умумий
билимлар қонуниятларни ифода қиладилар. Асослардаги якка ва жузъий фактлар
ҳақидаги билимлар эса ана шу қонуниятларнинг намоён бўлишини қайд этадилар.
Индуктив хулоса чиқаришнинг иккита тури: тўлиқ ва тўлиқсиз индукциялар
фарқ қилинади.
Тўлиқ индукция индуктив хулоса чиқаришнинг шундай турики, унда

---

113
бирорта белгининг маълум бир синфга мансуб ҳар бир предметга хослигини
аниқлаш асосида, шу белгининг берилган синф предметлари учун умумий белги
эканлиги ҳақида хулоса чиқарилади.
Тўлиқ индукция предметларнинг кичик синфига, элементлари яққол кўзга
ташланиб турадиган, миқдор жиҳатдан чекланган ёпиқ системаларга нисбатан
хулоса чиқаришда ишлaтилади. Масалан, Қуёш тизимига кирувчи планеталар,
НАТОга аъзо давлaтлар, бирорта шаҳарда жойлашган корхоналар ва шу кабилар
ҳақида хулосаларни тўлиқ индукция йўли билан олиш мумкин. Хусусан, Қуёш
тизимига кирувчи планеталар ҳаракатининг йўналиши соат стрелкаси ҳаракати
йўналишига тескари эканлиги ҳақидаги хулоса айнан ана шу усул ёрдамида ҳосил
қилинади. Тўлиқ индукцияда муҳокаманинг қурилиш шакли қуйидаги кўринишга
эга:
S1 предмети Р белгига эга.
S2 предмети Р белгига эга.
... ... ... ... ... ... ... ... ... ... ... ... ... ...
Sn предмети Р белгига эга.
Фақат S1, S2,..., Sn ларгина С
синфини ташкил этади.
С синфининг ҳар бир предмети Р белгига эга.
Символик ифодаси эса қуйидагича:
Р (х1)
Р (х2)
... ... ...
Р (хn)
<х1, х2,..., хn>ЄС
"х((хЄС) →(х))
Тўлиқ индукция предметларнинг кичик синфи ҳақида эмпирик
материалларни умумлаштириш йўли билан хулосавий билим олишнинг самарали
воситаси бўлиб, хулосаси аниқ бўлиши билан ажралиб туради.