Кичик гуруҳ (3-4 ёш)

Аппликация. Болаларнинг икки марта букланган қоғоз варағидан симметрик шакллар 
қирқиш кўникмаларини мустаҳкамлаш (идиш-товоқ, барглар), аппликацияда турли 
фактурадаги (силлиқ, ялтироқ, тукли) қоғозларни қўллаш. 
Предметнинг ўзига ва тасаввурга кўра муайян (предметли ёки сюжетли) тасвир 
яратиш.
Предметнинг ўзига кўра предметли ва сюжетли нарсалар (сабзавот, ўйинчоқ ва гуллар) 
тасвирини яратиш. 
Геометрик ва ўсимлик элементларининг турли шаклларидан қоғозда безакли 
композициялар тузиш. Образ яратишда болаларнинг бўрттириб ишлов бериш, қоғозларни 
ажратиш, тасвирларни елимлаш каби усуллардан фойдаланишларини рағбатлантириб бориш, 
уларни кошинкор тасвир усулларига ўргатиш.
Кўз билан мўлжаллаб қоғоздан унча мураккаб бўлмаган нарса, қуш ва ҳайвонлар 
силуэтини қирқиш. Соялар театрида ўйнатиш учун силуэтлар тайёрлаш. Янги йил байрами 
олдидан зални жиҳозлашда иштирок этиш. Образ характерига мувофиқ аппликацияларни 
ажратиш ва қайчида қирқиш усулини биргаликда қўллаш: дарахтда қор, пахмоқ жўжа. 
Ўзбек халқ нақшлари, жумладан, турли вилоят ҳудудларига хос нақшлар хусусиятлари 
ва колоритини тақдим этиш ва каштачилик ҳамда йўрмадўзликка оид симметрик нақшлар 
яратиш. 
Болаларда ранг ва колорит ҳиссини ривожлантириш. 
Унчалик мураккаб бўлмаган композицияларни яратишда гуруҳ таркибида ижодий 
ишлашни давом эттириш, наврўз ва бошқа байрамларни ўтказиш учун бинони гуруҳ билан 
бирга жиҳозлашда иштирок этиш. 
Қирқишнинг техник усулларини қўллаб, индивидуал ва гуруҳли ишлар бажариш. 
Қуриш-ясаш. Болаларни бино, иншоот, ансамбллар (турар жой, театр, майдон, сарой, 
минора ва б.)нинг турли қурилма-конструкцияларини кўра билишга ўргатишни давом 
эттириш.
Қурилиш материалларини конструкциялаш. 
Биргина объектни ундан фойдаланишнинг турли шарт-шароитларини назарда тутиб 
конструкциялаш (пиёдалар учун кўприк, транспорт ҳаракати учун кўприк), қайси деталь 
қурилиш учун кўпроқ мос келишини аниқлаш, уларни қандай конструкциялаш кўпроқ 
мақсадга мувофиқ эканлигини белгилаш, истиқболда қурилишни режалаштириш 
кўникмаларини ривожлантириш. 
Ягона мазмунга бирлашган катта қурилишни (кўча, уйни) таъминлашга ўргатишни 
давом эттириш.