Microsoft Word Moliyaviy hisob

Mas’uliyati cheklangan jamiyat ustav kapitalining shakllantirilishi 
Pul birligida baholangan ustav kapitaliga qo’yilmalar ustav kapitalidagi ishtirokchining 
ulushini tashkil etadi. Har bir ishtirokchi (muassis) MChJga ta’sis shartnomasiga muvofiq 
moddiy va (yoki) nomoddiy aktivlarni kiritadi. Ustav kapitalini shakllantirish bo’yicha 
buxgalteriya yozuvlari yakka egalikdagi yozuvlarga aynan o’xshash bo’ladi, muassislar 
bo’yicha tahliliy hisobgina zarur. 
MChJ ustav kapitalining eng kam miqdori ro’yxatdan o’tkazilgan sanada eng kam 
oylik ish haqining ellik baravaridan kam bo’lmasligi lozim. Muassislar, pul ko’rinishida 
bo’lmagan kiritilayotgan aktivlarni baholash to’g’risida kelishuvga erishishlari kerak, bunda 
baho aktiv o’tkaziladigan sanadagi adolatli bahosini ifodalashi shart. 
 
164

---

Ustav kapitalini shakllantirishning cheklangan muddati davlat ro’yxatidagi o’tkazilgan 
paytdan boshlab, agar boshqa holatlar qonun hujjatlarida nazarda to’tilmagan bo’lsa, bir 
yildan oshmasligi lozim. Mazkur davr mobaynida MChJ a’zolari tomonidan o’z 
qo’yilmalari kiritilmagan hollarida, agarda ta’sis hujjatlarida boshqa holatlar nazarda 
tutilmagan bo’lsa, ular muddati uzaytirilgan to’lovlar summasi 25% yillik to’lov to’laydilar. 
A’zolar jamiyatga o’z mol-mulklarini kiritganlaridan keyin ular o’zlarining yakka 
tasarruf etish huquqini yo’qotadilar. Mol-mulk yangi xo’jalik yurituvchi sub’ekt aktiviga 
aylanadi, sheriklarning barchasi birgalikda egalik qilishga o’tadilar. 
Bunday badallarning har biri muassislar majlisning bayonnomasida rasmiylashtiriladi., 
bu esa aktiv belgilanishi va baholanishiga barcha mulkdorlarning roziligini ifodalaydi. 
Mustaqil malakali baholovchi tomonidan kiritiladigan mol-mulkni baholashni amalga 
oshirish davlatga yoki qisman karashli bo’lgan baholash ob’ektlari bitimga jalb etiladigan 
hollarda majburiy hisoblanadi. Shuningdek Fan va texnika Davlat Qo’mitasining xorijiy 
investitsiyalar ishtirokidagi xo’jalik yurituvchi sub’ektlar ustav fondiga kiritiladigan 
nomoddiy aktivlar toifasiga tegishli bo’lgan intellektual mulk va boshqa ob’ektlarni 
baholash to’g’risidagi xulosasi zarur. 
Xo’jalik yurituvchi sub’ektning ustav kapitalini o’zgartirishga faqat muassislar 
qaroriga ko’ra yo’l qo’yiladi, bunda ustav kapitali o’zgargani haqida ommaviy axborot 
vositalari orqali xabar qilish hamda ta’sis hujjatlarini kayta ro’yxatdan o’tkazish lozim. 
Ustav kapitalining kamaygani to’g’risida MChJ qarori bu haqda axborot e’lon 
qilinganidan so’ng kamida uch oy o’tgach kuchga kiradi. 
Xo’jalik yurituvchi sub’ekt buxgalteriyasi davlat organlarida ro’yxatga olinishi bilan 
tasdiqlangan muassislarning tegishli karorlarisiz ustav kapitalining uzgarishi bilan bog’lik 
operatsiyalarni aks ettira olmaydi.