Иқтисодий таълимотлар тарихи

Иқтисодий таълимотлар тарихи 
74 
ниҳоятда муҳимдир. Физиократлар бойлик тезиси тўғрисида фикр юритиб, бойлик - бу 
жамият меҳнати билан ҳар йили яратиладиган истеъмол қийматларидир, дейдилар. Бу тезис 
ҳам А.Смит томонидан қабул қилинган. Ишлаб чиқариш ва тақсимот жараёнига хос умумий 
меҳнат доктринаси, ишлаб чиқаришнинг такрорийлигига алоҳида урғу берилиши катта ютуқ 
ҳисобланади. 
Назорат ва мулоҳаза учун саволлар 
1. Классик иқтисодий мактаб вужудга келишининг шарт-шароитлари. Бу мактабнинг 
меркантилизмдан асосий фарқи нимадан иборат? 
2. В.Петтининг иқтисодий қарашлари, унинг услуби. 
3. В.Петтининг қарашларидаги чекланганлик. Қийматнинг меҳнат назарияси нима? 
4. П.Буагильбер нима учун қишлоқ хўжалигини қўллаб-қувватлади? 
5. Пропорционал баҳолар, иқтисодий инқироз тўғрисидаги ғоялар. 
6. Нима учун П.Буагильбер пулга қарши эди? 
7. Физиократизмнинг моҳияти ва хусусиятлари нимадан иборат? 
8. Ф.Кенэнинг «Иқтисодий жадвал» асаридаги иқтисодий ғоялар мазмуни 
9. А.Тюргонинг бош асари ва ундаги иқтисодий ғояларни шархлаб беринг? 
10. Физиократизмнинг аҳамияти ва тарихий тақдири тўғрисида нима дея оласиз? 
7-МАВЗУ. КЛАССИК ИҚТИСОДИЙ МАКТАБНИНГ ТЎЛА ШАКЛЛАНИШИ. АДАМ 
СМИТ ВА ДАВИД РИКАРДО ИҚТИСОДИЙ ТАЪЛИМОТЛАРИ 
 
1. А.Смит мануфактура даврининг иқтисодчи назариётчиси. 
2. Смитнинг қийматнинг меҳнат назарияси. А.Смит ва ҳозирги замон. 
3. Д.Рикардо саноат тўнтариши даврининг назариётчиси. 
4. Д.Рикардо таълимотининг аҳамияти. 
Таянч иборалар: «Халқлар бойлиги»; меҳнат тақсимоти; «иқтисодий одам»; эгоизм; 
«кўринмас қўл»; «муомиланинг буюк ғилдираги»; қийматнинг меҳнат назарияси; синфлар; 
ишлаб чиқариш омиллари ва даромадлар тўғрисидаги назария; унумли ва унумсиз меҳнат; 
миллий бойлик ва «Смит догмаси»; иқтисодиётнинг ривожланиш босқичлари; мутлоқ 
афзаллик назарияси.