Низомий номидаги тошкент давлат педагогика

 
Мукаррама Турғунбоева 
Мукаррама Турғунбоева 1913 йилда Марғилон шаҳрида ўрта ҳол 
оилада дунёга келди. У устозлари уста Олим Комилов, Тамарахоним, 
Юсуфжон қизиқдан таoлим олди. 50 йил ўзбек рақс санъатига ситқидилдан 
хизмат қилди. 1957 йилда машхур «Баҳор» ансамблини ташкил этиб, жахон 
бўйлаб 100дан ортиқ мамлакатларда намойиш этиб, довруғини жахонга 
таратди. Ўзи юракдан ижор этган «Тановор», «Катта ўйин», «Андижон 
полкаси», «Рохат» рақслари халигача халқимиз орасида достон бўлиб 
келади. Унинг санъатидан таoсирланган Хиндистоннинг машхур санoаткор 
ёзувчиси Ахмад Аббос шундай деган эди: -Хиндистонни ҳеч ким қилич ва 
қурол билан ўзига тобе этолмаган. Аммо ўзбек қизи Мукарамахоним 
Турғунбоева ўзининг «Баҳор» қизлари билан, «Тановор» рақси билан биз 
Хиндларни таслим қилди, лол қолдирди. Мукарама Турғунбоева олам 
кезган, устоз санoаткор, миллий ўзбек рақсини қойилмақом қилиб ўйнаб, 
юзлаб хориж элларнинг санoатсеварларига ўзбек рақсини кўз-кўз қилиб 
келган. Унинг репертуаридан жуда кўп турли хилдаги рақслар ўрин олган 

---

211 
эди. Мукаррама опа санoатда бетакрор шон-шухрати билан 1978 йил 20 
ноябр куни 65 ёшида хаёт билан видолашди. Унинг хизматлари 
давлатимизнинг фахрий унвонлари ва мукофотлари билан тақдирланган. 
Халқ артисти, давлат мукофоти, орден ва медаллари унинг уй мўзейида 
сақланмоқда. Машхур «Баҳор» ансамблига унинг номи берилган. 2001 
йилда Президентимизнинг фармони билан “Буюк хизматлари учун” ордени 
билан мукофотланган. 
Жуда кўплаб ашула ва рақс ансамбллари бугунги кунда дунёга 
машҳурдир. Мустақиллик шарофати билан «Ўзбекрақс» бирлашмаси
тасарруфида янги рақс гурухлари тўзилди. Болалар рақси ривожланмоқда. 
Ҳар йили ўтадиган Мустақиллик ва Наврўз байрамларида ва халқаро 
анжуманлар дастурида рақс санъати марказий ўринни эгаллайди. 
Хореография мактаблари фаолият кўрсатмоқда. Халқ рақс ва балет мактаби 
инсон рухий ҳаётини чуқур акс эттирувчи, гўзал поетик табиатга ҳамда 
катта бадий умумлашмага эга бўлган санъатдир. Рақс ҳамиша гўзалликка 
чорлайди.