Ma'ruza matni doc

Миногалар кенжа синфи. Тана шакли жиҳатидан миногалар 
миксиналарга яқин. Аммо уларда 1 та ёки 2 та бел сузгичи бўлади. Оғзи лабга 
PDF created with pdfFactory Pro trial version 
www.pdffactory.com

---

эга. Бурун тешиги назо-гипофизар бўшлиқ билан туташган, томоқ билан 
алоқаси йўқ. Тананинг икки ён томонида 7 тадан жабра ёриқчалари мавжуд, улар 
жабра халталари билан туташган. Вояга етган миногаларда кўз яхши 
ривожланган. 
Миногаларнинг миксиналар сингари ичаги дифференцияллашмаган ва 
улар ҳам спирал клапанларга эга эмас. Жигар ички секреция безига айланиб, 
ичакдан тамоман ажралади (личинкаларида туташ). Хордада умуртқа ёйлари 
шакллана бошлаган. 
Миксиналар сингари тоқ жинсий бези ажратиш тешигига эга эмас. Жинсий 
маҳсулотлар анал тешиги орқали сувга тушиб оталанади. Ривожланиши 
метаморфозли. 
Миногалар денгиз ва чучук сув ҳавзаларида учрайди. Кўпайиши 
дарёларнинг қайроқ тошли жойларида кечади. У ерларда эркаклари ин 
қурадилар (тошлар орасида). 
Миногалар асосан балиқлар билан озиқланади. Улар ҳам миксиналар 
сингари йиртқич ва паразит умуртқалилардир. Энг йирик минога - денгиз 
миногаси бўлиб, 90-100 см. узунликка эга, массаси 3 кг гача. 
Америка ва Канада давлатлари кўлларида миногалар форел балиқларининг 
камайиб кетишига олиб келган ва шунинг учун 1948 йили уларга қарши кураш 
қўмитаси тузилган. Унга ихтиологлар, токсикологлар, биокимиклар жалб 
қилинган. Кучли дорилар ишлатилиб миногалар сони камайтирилган. 
Кўл ва дарё миногалари озиқ-овқат учун ишлатилади. Денгиз лосослари, 
хетралар, трескалар каби балиқлар миногаларнинг севимли озиқалари бўлиб 
ҳисобланади. 
Ўзбекистон Республикаси ҳудудида миногалар учрамайди. МҲД орасида 
улар асосан Волга дарёсида ва унинг атрофидаги кўлларда кўплаб учрайди ва 
овланади.