Ўзбекистон республикаси олий

Мустаҳкамлаш учун саволлар: 
1. Тил ва нутқ бирликлари қандай бирликлар? 
2. Фонема нима? 
3. Морфема нима? 
4. Лексема нима? 
5. Модель нима? 
6. Товуш нима? 
7. Сўз нима? 
8. Сўз бирикмаси нима? 
9. Гап нима? 
 
 
Асосий тушунчалар: 
1. Тил бирликлари – нутқ (нутқ бирликлари) учун имконият, моддий асос 
вазифасини ўтайди, нутқда нутқ бирлиги сифатида воқеланади. 
2. Фонема – тилнинг фақат ифода томонга эга минимал қурилмаси, ашёси 
бўлиб, лисоний бирликларни ҳосил қилади, ўрни билан уларнинг 
товуш
жиҳатини (маъносини) фарқлай-ди. 
3. Морфема – ифода ва мазмун жиҳатига эга синтактик (нутқий) 
номустақил
бирлик. 

---

208 
4. Лексема – ифода ва мазмун жиҳатига эга, аташ вазифасини бажарувчи, 
жамият аъзолари учун тайёр ва умумий бўлган нутқ бирлиги (сўз) 
бўлиш
имконидаги тилнинг энг муҳим, асосий бирлиги. 
5. Модель – сўз ясалишига, сўз қурилиши ва гап қурилишига оид қолип 
(андаза) лар. Булар асосида лисоний бирликлар ўзаро бирикиб, 
номинатив ва коммуникатив бирликларни ҳосил қилади. 
6. Нутқ бирликлари – нутқда тил бирликларидан ҳосил бўлиб, тилнинг – 
тил бирликларининг ҳаракатдаги кўрини-ши, фаоллиги, воқелиги, муайян 
коммуникатив вазифани бажаришидир. 
7. Товуш – нутқ бирлиги, фонеманинг нутқдаги воқеланиши, кўриниши 
бўлиб, муайян бирликларни фонетик-семантик жиҳатдан фарқлайди, 
уларнинг моддий асоси ҳисобланади.
8. Сўз - номинатив вазифа бажарувчи нутқ бирлиги, лексеманинг 
нутқдаги кўриниши, муайян шакл ва мазмунда намоён бўлишидир. 
9. Сўз бирикмаси – мураккаб тушунча ифодаловчи нутқ бирлиги бўлиб, 
мустақил сўзларнинг бирикувидан, валент-лик хусусиятидан ташкил 
топади, бирикма компонентлари ҳоким - тобе муносабатида бўлади.
10. Гап – фикр ифодаловчи нутқ бирлиги бўлиб, семантик, грамматик ва 
просодемик шаклланган, предикативлик ифода-сига эга интонацион 
бутунликдир.