Ўзбекистон республикаси олий

 
Ибодулла Мирзаев 
Ибодулла Мирзаев ўзбек лингвопоэтикасининг сардори, таржимон, 
шоир, филология фанлари доктори (1992), профессор (1994).
И. Мирзаев 1946 йилда Сурхондарё вилоятида туғилди. 1962 йилда ўрта 
мактабни, 1967 йилда Алишер Навоий номли СамДУни, 1974 йилда 
Петербург университети аспиранту-расини, 1989 йилда ушбу илм 
даргоҳининг докторантурасини тугатди.
У ЎзМУда, СамДУда, Петербург университетида, МДУда, Москва жаҳон 
тиллари университетида ва Францияда малака ошириш курсларида билимини 
оширди.
Олим 1992 йилда таниқли турколог проф. С. Н. Иванов илмий 
маслаҳатчилигида “Шеърий матннинг лингвопоэтик талқини муаммолари” 
(ҳозирги ўзбек шеърияти асосида) мавзусида докторлик диссертациясини 

---

140 
ёқлади. Ушбу иш туркий тилшуносликда шеърий матнга - шеърий нутққа 
бағишланган илк тадқиқот, биринчи тажриба сифатида шеърий 
қофияларнинг лексик-морфологик таркиби таҳлилига, қофияларнинг 
семантик шаклланишига оидлиги ва ушбу ҳодисаларга янгича қараш асосида 
ёзилганлиги билан муҳимдир, ўзига хосдир. 
И. Мирзаев тилшуносликка, адабиётшуносликка, таржима назариясига, 
шеъриятга оид қатор жиддий тадқиқотлар яратди. Булар: 1. “Слова – реалии 
и вопросы художественного перевода” (1982). 2. “Проф. С. Н. Иванов. Биб-
лиографик кўрсаткич” (1982). 3. “Французча мақол ва маталларнинг ўзбекча 
муқобиллари” (1982). 4. “Французча хос сўзлар ва бадиий таржима 
масалалари” (1983). 5. “Қофиянинг лексик ва морфологик хусусиятлари” 
(1984). 6.“Лексические и морфоло-гические средства формирования семан-
тики рифмы ”(1990). 7. “Французча – ўзбекча луғат” (ҳамкор ). 8. “Гак В. Г. 
Француз тилининг назарий грамматикаси” (2002). 9. “Якобсон Р. Поэ-тика 
масалалари” (2004). 10. “Талпиниб яшадим сенга, қуёшим” (2004) 11. 
“Иванов С. Н. Грамматик тадқиқотларнинг мето-дологик муаммолари” 
(2004). 12.“Лингвистик таҳлил методла-ри” (2006). 13. “Лотман Ю. М. 
Поэтик матн таҳлили.” 14.“Шеър тузилиши” (2006). 15. “Е. Э. Бертельс.
Суфизм ва тасаввуф адабиёти” (2006). 16.“Алишер Навоий. Садди 
Искандарий достони” (2006). 17. “Нурлар оғушида” (2006) ва бошқалар.
И. Мирзаев академиклар Е. Э Бертельс, Ю. М. Лотман, Л. В. Щерба, 
профессорлар: И. Бодуэн де Куртене, В. Кудрявцев, А. Богородицкий, С. 
Карцевский, С. Иванов, В. Гак, И. Ковтунова, Джон Лайонз, Л. Блумфильд, 
В. Гумбольдт, Ф. де Соссюр каби жаҳонга танилган олимларнинг 
тадқиқотлари ҳамда К. Батюш-ков, А. Пушкин, Ю. Лермонтов, А. Блок, Н. 
Некрасов, С. Есе-нин, А. Ахматова, М. Цветаев, Мопассан, А. Камью, Ш. 
Бодлэр, Аполлинер, Эдгар По ва бошқаларнинг назм ва насрдаги асарларини 
таржима қилиб, ўзбек китобхонига тақдим этган. 
И. Мирзаев Марказий Осиёга биринчи бўлиб лингвопоэтикани олиб 
кирди, МДҲ мамлакатларида илк бор олий ўқув юртларида адабиётшунослик 
ва тилшуносликни бирлаштириб, мутлақо янги талимий йўналишга ва 
филологик илмий таржимага асос солган лисоний қамрови анча кенг 
полиглот олимдир.