K I m y o ki my oga oi d atama lar etimilo gi ya si

Inversiya 
Bu so‘z ham lotin tilidan olingan bo‘lib, u «teskarisiga o‘girish» degan ma’noni beradi. 
Izotop, nuklid, izomer, tautometriya, prototrop 
Nuklid lotinchada yadro ma’nosini beruvchi nucleus hamda, «-simon» qo‘shimchasini 
anglatuvchi  «-eidos»  so‘zlarini  qo‘shilishidan  yasalgan  termindir.  Nuklid  bu  –  yadrosida 
berilgan sondagi proton va neytronlar bilan xarakterlanuvchi atom turidir.   
 
Izotop esa yunoncha isos - «teng», «bir xil», «aynan» degan so‘zlardan olingan; topos 
esa yunonchada «joy» degan ma’noni beradi. Shunga ko‘ra, izotop – bir xil, aynan bir xil deb 
tarjima  qilinadi.  Xuddi  o‘sha  isos,  ya’ni,  «teng»  terminiga  yunonchada  qism,  bo‘lak 
ma’nolarini beruvchi «meros» so‘zini qo‘shilishidan izomer atamasi yasalgan. Uning ma’nosi 
«teng qismli», «teng ulushli» desa ham bo‘ladi. Shu tariqa, izotoplar bu – davriy jadvalda aynan 
bitta joyni egallovchi nuklidlardir. «Izotop» terminini 1913-yilda ingliz radiokimyogari, 1921-
yilgi kimyo bo‘yicha Nobel mukofoti laureati Frederik Soddi (1877-1956) tomonidan o‘ylab 
topilgan va fanga joriy etilgan.  
Izomerlar  –  bir  xil  qismlardan  iborat,  ya’ni,  bir  xil  brutto-formulaga  ega  bo‘lgan 
moddalardir; tautometriya esa tautomerlarning o‘zaro tezkor izomer aylanishi sodir bo‘ladigan 
izomerlarning nomi. «Tautometriya» termini yunoncha «tautos» - «aynan o‘sha», «xuddi o‘zi» 
degan ma’nodagi so‘zdan olingan. Bu terminni fanga 1885-yilda nemis kimyogari Konrad Laar 
(1853-1929)  joriy  etgan  edi.  U  ikki  xil  shakldagi  sianid  kislotasining  o‘zaro  prototrop 
aylanishini o‘rganish asnosida ushbu terminni o‘ylab topgan. «Prototrop» so‘zining birinchi 
qismi  vodorod  atomining  (protonning)  migratsiyasini  bildirsa,  ikkinchi  qism  yunoncha 
«tropos» - yo‘nalish va usul ma’nolarini beruvchi so‘zni ifodalaydi.