Microsoft Word shajarayi xorazmshohiy lotin ziyouz com doc

www.ziyouz.com kutubxonasi 

39

vagarna, yamutning boshig‘a tushgan ish olarning boshlarig‘a ham tushar, degan amr yubordi. Qaboyil 

aholilari javob yubordilarkim: «Muncha mablag‘ni bir haftada mavjud etmak maholdur. Muhlati 

muddatin uzoqroq etmasalar, bu mablag‘ni bizlar jam’ qila olmasmiz». Kaufman dedi: «Andoq bo‘lsa, 

o‘n to‘rt kun muhlat berduk». Bas, turkmanlar tazminotni jam’ qildilar. Ba’zi qabilaning 

chog‘aroqlarig‘a yigirma tillodin, ba’zi qabilaning chog‘aroqlarig‘a o‘n besh tillodin tushub, bir laku 

yetmish ming tillo hisob bo‘ldi. Bechoralar ahli ayollarining shoyi, ya’ni tuzuku bilazuk va g‘olivu 

faloslarin beshdin biru o‘ndin bir bahosig‘a sotdilar. Rusiya devonlari oldilarkim, bir necha zobit bu 

ishga ma’mur bo‘lub, turkmanlarning tuzuklari g‘olilari va otlarig‘a baho qo‘yub olur erdilar. 

Un kungacha bu ishga mashg‘ul bo‘ldilar. Muhlat muddati tamom bo‘lub, jam’ qilg‘onlari sakson 

ming tillo erdi. Ondin so‘ng qolg‘on to‘qson ming tillo uchun bir yil muhlat berdi. Ondin so‘da 

shartnoma yozilib, xon hazratlari muhr etib Kaufmang‘a tasllim etdilar va daryoning orqa tarafidag‘i 

mamlakatlar Rusiyag‘a taalluq topib, daryo o‘rtada mushtarak bo‘ldi. 

Xon hazratlari o‘zlariga adosi lozim bo‘lg‘on tazminotni har yilda bir miqdorini berib yigirma 

yilda tamom etmakchi bo‘ldilar. Otajon to‘raga Rusiya tarafidin vazifa ta’yin etildi. Eron usarolaridin 

bir jamoa Erong‘a ketib erdilar, olarning sog‘u salomat borg‘onlarining xabari keldi. 

Kaufmaniing Xorazmg‘a kelganidin buyon ikki yarim oy miqdori bo‘lub erdi. Chun Qaufman 

hamma ishlaridin forig‘ bo‘ldi, xon hazratlari bila vido’ qilib, tamomi lashkari bila otlanib qaytib 

Oryoqg‘a ketdi. Chun daryodin o‘tub Oryoqg‘a bordi, Ivanufni Oryoqda hokim etib qo‘yub, yonida 

Dirisqurt otlig‘ mingboshi bila bir miqdor askar va bir necha to‘p topshurub o‘ziga mutaalluq askar 

bila Toshkandga ketdi. Qazonlidin kelgan guburnatur Qazonli askari bila Qazonlig‘a ketdi va 

Kandarlidin kelganlar Kandarliga ketdilar.