M. T. Yulchieva, N. T. Atamuratova

Sun’iy    vegetativ  ko‘payish.  O‘simliklarning  sun’iy    vegetativ 
ko‘payishida  inson  faol  ishtirok  etib,    o‘simliklarning  o‘suvchi    qismlarini 
kesib olib boshqa joyga ekish yo‘li bilan ko‘paytiriladi. Sun’iy ko‘paytirishda 
qalamchalash va payvandlash usullaridan foydalaniladi. 

---

166 
 
Tabiiy  va  sun’iy  usulda  ko‘paytirish  ildizpoyalar,  piyozboshlar  ajratib 
olish,  tuplarni  bo‘lish,  bachkilarni  ko‘paytirish,  parxish  qilish  yo‘llari  bilan 
amalga oshiriladi. 
Tuplarni bo‘lish va bachkilardan ko‘paytirish.O‘simliklarni tuplarga 
bo‘lib  ko‘paytirish    manzarali  o‘simliklarga  xos  bo‘lib,  ya’ni  ko‘p  yillik  o‘t, 
buta  va  daraxtsimon  o‘simliklarni    (navro‘zgul,  dastargul,  floks,  isfarak  va 
boshqalar)   shu usul bilan ko‘paytirish mumkin. Bunda ildizpoyalaridan o‘sib 
chiqqan  bir  qancha  tuplarni  qo‘l  yoki  pichoq  bilan  ajratib  olib  yangi  joylarga 
ekiladi.  
Bachkilar  ildizda  endogen  yo‘li  bilan  qo‘shimcha  kurtakning 
rivojlanishidan    paydo  bo‘ladi.  O‘simliklar  ildiz  bachkilari  yordamida  tez 
ko‘payib,  katta  –katta  maydonlarni  egallaydi.  Har  qaysi  novda  o‘zining  
qo‘shimcha  ildizlariga  ega,  shuning  uchun    ular  alohida  ekilsa  ham  nobud 
bo‘lmaydi. Bachkilarni ajratib olishda, ona o‘simlik yerdan kovlab olinmaydi.  
Bu usul bilan  olxo‘ri, olcha,  gilos, terak, akatsiya, do‘lana,  malina, qulupnay 
kabi o‘simliklar ko‘paytiriladi.