Кўчмас мулк ва мулк ҳУҚУҚи амалий қўлланма

2 .2 .6 . ДАВЛАТ УЙ-ЖОЙИНИ ХУСУСИЙЛАШТИРИШ АСОСИДА 
МУЛК ҲУҚУҚИНИ ҚЎЛГА КИРИТИШ
Фуқаролик қонунчилигида белгиланган мулк ҳуқуқининг вужудга келиш 
асосларидан бири давлат мол-мулкини хусусийлаштириш ҳисобланади.
Давлат уй-жой фондини хусусийлаштириш деганда фуқароларга уларнинг 
ихтиёрига қараб давлат уй-жой фондининг улар эгаллаб турган ёки янги 
қурилган хонадонларини, уйларини (уйларининг бир қисмини) сотиш, шу 
жумладан имтиёзли асосда сотиш ёки текинга мулк қилиб бериш тушунилади. 

---

КЎЧМАС МУЛК ВА МУЛК ҲУҚУҚИ
118
“Давлат уй-жой фондини хусусийлаштириш тўғрисида”ги Қонуннинг 
4-моддасига кўра давлат уй-жой фондини хусусийлаштириш:
●
Ўзбекистон Республикасининг қонун ҳужжатларида белгиланган 
фуқа роларнинг айрим тоифаларига хонадонларни, уйларни (уйларнинг бир 
қисмини) текинга бериш;
●
давлат хонадонларини, уйларини (уйларнинг бир қисмини) Ўзбекистон 
Республикасининг – фуқароларига ва юридик шахсларига ҳамда фуқаролиги 
бўлмаган шахсларга сотиш йўли билан амалга оширилади.
Давлат уй-жой фондини хусусийлаштиришнинг ўзига хос хусусияти 
Ўзбекистон Республикасининг хусусийлаштириш субъектларига бундай 
ҳуқуқнинг фақат бир марта берилишидир.
Фуқаролар томонидан белгиланган тартибда хусусийлаштирилган турар 
жойлар давлат уй-жой фондидан чиқарилиб, якка тартибдаги уй-жой фонди 
таркибига киритилади.
Юқоридаги Қонуннинг 12-моддасига кўра қуйидагилар хусусийлаштириш 
объектлари ҳисобланади:
●
фуқаролар ижара шартномаси асосида фойдаланилаётган кўп хонадонли 
уйлардаги хонадонлар ва бир хонадонли уйлар (уйларнинг бир қисми);
●
қайта тиклаш, таъмирланиш ишлари тугалланган-ку, аммо одамлар 
кўчиб кирмаган ва бўшатилган уйларнинг хонадонлари, бир хонадонли уйлар 
(уйларнинг бир қисми);
●
янги қурилган уйлардаги хонадонлар.
Мазкур Қонун 13-моддасининг 1-қисмига кўра Ўзбекистон Республикаси 
ҳудудида доимий яшаб турган (уй рўйхатидан ўтган) Ўзбекистон 
Республикасининг, бошқа давлатларнинг фуқаролари, фуқаролиги бўлмаган 
шахслар хусусийлаштириш субъектлари ҳисобланадилар.