Toshkent kimyo-texnologiya instituti oziq-ovqat mahsulotlari texnologiyasi fakulteti

16 – MA’RUZA  
 
MARGARIN IShLAB ChIQARISh TEXNOLOGIK SXEMALARI 
 
Reja:  A1  –  JLU  liniyasida  margarin  olish  texnologiyasi.  Quyma  margarin 
ishlab chiqarish. Qandolatchilik, oshpazlik,  va nonvoylik yog‘larni ishlab chiqarish. 
Margarin mahsulotlarni saqlash va tashish. 
 
A1-JLU  liniyasida  margarin  olishni  texnologik  sxemasi  (31-rasm). 
Rafinatsiyalangan va hidsizlantirilgan yog‘lar va yog‘da eruvchi moddalar retseptura 
buyicha (1) avtotaroziga kelib tushadi, suv-sutli faza esa (2) avtotaroziga kelib, keyin 
yog‘lar va suv-sutli faza (3) aralashtirgichga yuboriladi. Aralashtirgichdan navbatma 
navbat  harorati  38-40
0
C  bo‘lgan  emulsiya    muvozanatlovchi  idish  (4)  kelib  tushadi. 
Bu  yerda  belgilangan  sath  saqlanadi.  So‘ngra  emulsiya  yuqori  bosimli    (5)  nasos 
yordamida 1,8-2,2 MPa bosimda va 38-40
0
C haroratda (6) sovitgichga uzatiladi. 
12-14
0
C  gacha  sovutilgan  emulsiya  (7)  taqsimlovchi  qurilmaga  kelib  tushib, 
ikkita  oqimga  ajralib,  filtr  (8)dan  o‘tib,  kristallizator  (9)ga  beriladi,  keyin 
qadoqlovchi  avtomatlarga  (10)  yuboriladi.  Margarinni  ortiqchasi  maxsus  qurilma 
orqali (15) idishga kelib tushadi. U yerda eritilib (16) nasos orqali aralashtirgich (3)ga 
yuboriladi.  Qadoqlash    (10)  avtomatlardan  keyin  margarin  transporter  yordamida 
taxlash (11) avtomatlariga uzatiladi. 
To‘ldirilgan  qutilar  g‘ildirakli  transportyor  bilan  banderollash  (14) 
mashinasiga uzatilib, so‘ngra tayyor mahsulot omboriga yuboriladi. 
Margarinni  monolitda  ishlab  chiqarishda,  emulsiya  sovutilgandan  keyin, 
taqsimlagichdan o‘tib, (8) filtrdan (12) dekristalizatorga kelib tushadi. Bu yerda ichki 
issiqlik ajralish natijasida margarinning harorati 2-3
0
Cga ko‘tariladi. 
Margarin (12) dekristalizatordan qutilarni to‘ldirish va tortish (13) avtomatiga 
beriladi.  Og‘irligi  10,15,20  kg  li  qutilar  transportyor  orqali  banderollash  (14) 
mashinasiga, so‘ngra omborga uzatiladi. 
Uzluksiz  ishlaydigan  avtomatlashtirilgan  liniyalarning  ko‘pchiligining 
unumdorligi  soatiga  2,5  t  ga  teng.  Ba’zi  bir  zavodlarda  quvvati  soatiga  5  t  ga  teng 
bo‘lgan  yuqori  unumdorli  liniyalar  o‘rnatilgan.  U  yerda  4-silindrli  sovutgichlar 
qo‘llaniladi  va  me’yorlash,  me’yorlovchi  nasoslar  yordamida  xajmiy  usul  bilan 
bajariladi. Bu liniyalarda uchta aralashtirgichlar o‘rnatilgan.