Зиѐвуддин Раҳим 2 бисмиллаҳир роҳМАНир роҳийм!

“Эй инсонлар, ердаги ҳалол-пок нарсалардан енглар, шайтон изидан эргашманглар! 
Шубҳасиз, у сизларнинг очиқ душманингиздир” (Бақара сураси, 168-оят). 
Абдуллоҳ ибн Аббос розияллоҳу анҳудан ривоят қилинишича, Расулуллоҳ соллаллоҳу алайҳи 
ва саллам ҳузурларида “Эй инсонлар, ердаги ҳалол-пок нарсалардан енглар...” ояти тиловат қилинди. 
Шунда Саъд ибн Абу Ваққос розияллоҳу анҳу ўрнидан туриб: 
– Эй Расулуллоҳ, мени дуоси мустажоблардан қилишини Аллоҳдан сўранг, – деди. 
Набий соллаллоҳу алайҳи ва саллам унга: 
– Эй Саъд, ҳалқумингни покла. Шунда дуоси мустажоблардан бўласан. Муҳаммаднинг жони 
измида бўлган Зотга қасамки, бир банда қорнига ҳаром луқмани солади-да, кейин қирқ кунлик амали 
қабул этилмайди. Қайси бир банда гўшти ҳаромдан, рибодан ўсган бўлса, дўзах унинг учун муносиб 
(жой)дир, – дедилар
107
. 
Бирон нарсада зотий ва шаръий ҳалоллик жамланса, мўмин банда ундан фойдаланиши жоиз. 
Жумладан, ўлимтик, қон, тўнғиз гўшти зоти (асли) нопок нарсалардир. Ҳалол ҳайвонларни ҳам 
шариат талабига мос тарзда сўйиш, шу билан бирга, уларни ҳалол йўл билан қўлга киритиш зарур. 
Буни қўй мисолида тушунтирамиз. Бир қўй арқонига ўралиб ҳаром ўлиб қолди. Мусулмон киши уни 
ейиши мумкин эмас. Яна бир қўй сўйилди, лекин шариатга хилоф тарзда бўғизланди. Буни ҳам 
ейилмайди. Яна бир қўй шариат талабига мувофиқ сўйилди, аммо у ўғрилик орқасидан топилган пул 
эвазига сотиб олинганди. Қўйни ейиш ҳалол бўлиши учун уни ҳалол пулга сотиб олиб, шариат 
қоидаларига кўра сўйиш лозим. Шундагина у зотан ва шаръан ҳалол саналади. 
Хуллас, ҳалол яшаган, пешона тери билан меҳнат қилган одамнинг кўнгли тўқ бўлади, ҳаѐти 
тинч-осуда ўтади, тоат-ибодатларини ҳаловат билан, хушуъ-хузуъ билан бажаради, Аллоҳдан 
сўрагани берилади. 
7-САБАБ. НАМОЗИ ҚАБУЛ БЎЛМАЙ ҚОЛИШДАН ҚЎРҚИШ 
Қуръони каримда Иброҳим ва Исмоил алайҳимуссалом ҳақида шундай дейилган: 
“-------------------------Арабча матн---------------------------”