Зиѐвуддин Раҳим 2 бисмиллаҳир роҳМАНир роҳийм!

МАВЗУГА ДОИР САВОЛ-ЖАВОБЛАР
307
 
ХУШУЪСИЗ ЎҚИЛГАН НАМОЗ ҚАБУЛ БЎЛАДИМИ? 
Савол: Хушуъсиз ўқилган намоз қабул бўладими? Бу ҳақида уламолар нима дейишган? 
Жавоб: Жумҳур уламоларга кўра, намоз арконлари тўкис адо этилса, намоз мақбул бўлади, 
хаѐл бўлиниши, хушуъсизлик ибодат қабул бўлишига тўсқинлик қилмайди. Лекин хушуъсиз ўқилган 
намоз савоби камроқ бўлади. Валлоҳу аълам! 
299
Насоий, Табароний ривоят қилган. Ҳадис санади саҳиҳ. 
300
Байҳақий, Абу Нуайм – Муғийра ибн Шуъбадан – марфуъ тарзда ривоят қилган. 
301
Байҳақий “Шуабул имон”да ривоят қилган, санади заифлигини айтган. 
302
Маҳомилий “Фавоид”да ривоят қилган. Бу ривоятни Жалолиддин Суютий “Ад-дуррул мансур”да келтирган. 
303
Табароний ҳасан санад билан ривоят қилган. 
304
Байҳақий “Шуабул имон”да ривоят қилган, санади заифлигини айтган. 
305
Арабча “яд” сўзи “қўл” маъносини билдиради. 
306
Ибн Нажжор – Анас ибн Молик розияллоҳу анҳудан – марфуъ тарзда ривоят қилган. Жалолиддин Суютий уни 
“Ад-дуррул мансур”да келтирган. 
307
Савол-жавобларни тайѐрлашда “Динда саволим бор” китобидан, “Muxlis.uz” сайти маълумотларидан ҳам 
фойдаланилди. 

---

138 
ҚАНДАЙ ҚИЛИБ НАМОЗДА ХАЁЛНИ БИР ЕРГА ЖАМЛАШ 
МУМКИН? 
Савол: Мен намоз ўқишни бошлаганимда миямга ҳар хил хаѐллар келаверади. Намозда 
ҳаловат тополмайман. Бундан қутулиш учун нима маслаҳат берасиз? 
Жавоб: Агар қалбда дунѐ муҳаббати кучли бўлса, хаѐл намоз вақтида ҳам моддий нарсаларга 
кетиб қолади. Инсон ўзини муолажа қилса, охиратни кўпроқ ўйласа, дунѐ ўткинчилигини қалбига 
жойласа, шунда бу муаммо секин-аста ечимини топади. 
Сизга маслаҳатим, намозга яхшилаб тайѐргарлик кўринг: аввало, таҳоратни мукаммал қилинг. 
Кейин Расулуллоҳ соллаллоҳу алайҳи ва саллам ўргатган дуоларни ихлос билан ўқинг. Намозга 
киришдан олдин сизни безовта қилиши мумкин ишларни битиринг, бирон муаммо бўлса, ҳал қилиб 
олинг. Кейин намозга кирсангиз, хотиржам ибодат қиласиз. Намозда турганингизда Аллоҳ билан 
юзма-юз эканингизни дилдан ҳис этинг, У Зот нақадар улуғлигини эсланг, охиратни, ўлимни ѐдга 
олинг, Аллоҳга чин дилдан рукуъ, саждалар қилинг, У Зотга қалбингиздаги дардларни тўкиб солинг. 
Бу вақтда дунѐвий ишларингизни бироз муддатга хаѐлдан чиқаринг. Бир нарсани доим ѐдда тутинг: 
ҳозир ўқиѐтган намозингиз охиргиси бўлиб қолиши мумкин. Чунки одам қачон вафот этишини 
билмайди. 
Намоз ўқиѐтганингизда атрофингизда турли расмлар, ҳайкаллар бўлмасин, тинч жойда, 
шовқин-сурондан холи ерда ибодат қилинг. Қибла тарафда зеб-зийнатлар, нақшлар бўлмагани 
маъқул. 
Хушуъ намознинг руҳи эканини унутманг. Хушуъсиз намоз руҳсиз танага ўхшайди. Агар 
инсон ибодатни тўкис адо этмаса, рукуъларни, саждаларни чала-чулпа бажарса, ўша намоз билан 
унинг юзига урилади. Аллоҳ таоло ихлосдан холи, апил-тапил ўқилган намозни қабул этмайди. 
Хушуъ билан ўқилган намозгина банда нажотига, муваффақиятига сабабдир. Шулар ҳақида фикр 
юритсангиз, хаѐлингизга беҳуда нарсалар келмайди.