Инсон ҳуқуқлари умумий назарияси

ган ҳаракатлардир ва қонунга мувофиқ таъқиб этилади. 
Ўзбекистон Республикаси Жиноят кодексининг 235­моддаси: “Қийноққа 
солиш ва бошқа шафқатсиз, ғайриинсоний ёки қадр­қимматни камситувчи 
муомала ҳамда жазо турларини қўллаш” деб номланади.
Модданинг мазмуни Қийноққа қарши Конвенциянинг 1­моддаси матнига 
имкон қадар яқинлаштирилган. Моддада гумон қилинувчига, айбланувчи, гувоҳ, 
жабрланувчи, судланувчига ёки жиноят процессининг бошқа иштирокчила-
рига, шунингдек, бирор маълумот олиш, жиноят содир этганлиги тўғрисида 
иқрорлик кўрсатуви олиш мақсадида уларнинг яқин қариндошларига турли 
хил таъсир учун, ўзбошимчалик билан уларни содир этилган қилмиш учун 
жазолаш ёҳуд бирор бир ҳаракатларни содир этишга мажбурлаш учун мансаб-
дор ва бошқа шахсларнинг жавобгарлиги белгиланмоқда. Жиноят қонунчилиги 
билан мазкур қилмиш учун озодликдан маҳрум этиш жазоси белгиланган. Маз-
кур қилмиш субъектлари суриштирувчилар, терговчилар, прокурорлар ҳамда 
ҳуқуқни муҳофаза қилувчи органлар ва жазони ижро этиш муассасалари нинг 
бошқа ходимлари ҳисобланади.
2003 йилнинг декабр ойида Ўзбекистон Республикасининг Олий суд Пле-
нуми бўлиб ўтиб, 2003 йил 19 декабрдаги 17-сонли қарор қабул қилинган. 
Қарорда қуйидагилар айтилади: “Бирлашган Миллатлар Ташкилоти 1984 йил 
10 декабрда қабул қилган «Қийноқ ҳамда муомала ва жазолашнинг қаттиқ, 
шафқатсиз, инсонийликка зид ёки қадр­қимматни камситувчи турларига қарши 
конвенция»га кўра «қийноқ» ҳар қандай тусдаги шундай ҳаракатни англа-
тадики, у билан қандайдир шахсга ундан ёки учинчи шахсдан маълумотлар 
ёки эътироф олиш, уни у ёки учинчи шахс содир этган ёки содир этишда 
у гумон қилинадиган ҳаракат учун жазолаш, шунингдек уни ёки учинчи 
шахсни қўрқитиш ёки зўрлаш мақсадида, ёки бундай оғриқ ёки азоб дав-
латнинг мансабдор шахси ёки расмий сифатдаги бошқа шахс, ёки улар-