O`zbekiston respublikasi sog`liqni saqlash vazirligi toshkent farmatsevtika instituti

Tadqiqot rejasi, tadqiqotni o‘tkazish va olingan natijalari. Tadqiqot rejasi tadqiqot 
o‘tqazilishidan  oldin  yozma  holda  ishlab  chiqilgan,  yaxshi  laboratoriya  amaliyoti 
prinsiplariga binoan tadqiqot rahbari tomonidan sanasi ko‘rsatilgan ravishda imzolangan 
va sifatni ta’minlash xizmati hodimlari tomonidan izlashtirilgan bo‘ladi. 
Tadqiqot  rejasidan  chetlanishlar  yozma  ravishda  ko‘rsatilishi,  tushuntirilishi,  qabul 
qilinishi  va  o‘z  vaqtida  javobgar    tadqiqotchi  yoki  tadqiqot  rahbari  tomonidan  sanasi 
ko‘rsatilgan  holda  imzolanishi  kerak.  Tadqiqot  rejasidan  chetlanishlar  tadqiqotning 
birlamchi natijalari bilan saqlanishi kerak. 
Tadqiqot rejasi quyidagi ma’lumotlarni o‘z ichiga oladi, lekin ular bilan chegaralanib 
kolmaydi:  
1. Tadqiqot, sinaluvchi va standart ob’ektlar  haqida ma’lumot: 
a) tadqiqotning to‘liq nomi; 
b) tadqiqotning ma’nosi va maqsadi; 
c)  (IUPAC)  Xalqaro    nazariy  va  amaliy  kimyo  birlashmasi  nomenklaturasi,  ((CAS) 
Amerika kimyo jamiyatini axborot xizmatining kayd etish raqami bo‘yicha kodi  yoki 
nomi orqali tekshiriluvchi ob’ektni tasvirlash,  biologik parametrlari va shu kabilar.  
d) ishlatiladigan standart (nazorat) ob’ekti. 
2 Sinov markazi va xomiy haqida ma’lumot: 
a) manzili ko‘rsatilgan holda xomiy haqidagi ma’lumot; 
b) tadqiqot o‘tkazilishi ko‘zda tutilgan barcha sinov markazlari va maydonchalarining 
nomi va manzili; 
c) tadqiqot rahbarining ismi, sharifi va manzili; 
d) javobgar tadqiqotchining ismi, sharifi, manzili  va unga tadqiqot rahbari tomonidan 
bajarish uchun yuklatilgan tadqiqot bosqichlari. 
3 Sanalar: 
a) tadqiqot rahbari tomonidan tasdiqlangan tadqiqot rejasi sanasi. Tadqiqot rejasining 
sinov markazi rahbariyati va xomiy tomonidan tasdiqlangan sanasi; 
b) tajribaning taxminiy boshlanish va tugallanish sanalari. 

---

 
4 Sinov uslublari 
Iqtisodiy  hamqorlik    va  rivojlanish  tashkiloti  (OECD)  tomonidan  ishlab  chiqilgan 
qo‘llanmaning bo‘limlaridan ko‘chirmalar, boshqa qo‘llanmalar va uslublar. 
5 Boshqa muammolar: 
6 Yozuvlar: saqlanishi kerak bo‘lgan hamma yozuvlar va hujjatlarning ro‘yxati. 
Har  bir  tadqiqotga  unikal  identifikatsion  raqam  (kod)  berilishi  va  ushbu  tadqiqotga 
taaluqli barcha ob’ektlarga ham identifikatsion raqam (kod) berilishi shart. Tadqiqotlarda 
qo‘llaniladigan  barcha  namunalar,  kelib  chiqishlarini  tasdiqlash  uchun  identifikatsiya 
qilingan  bo‘lishi  shart.  Bunday  identifikatsiya    qilingan  namunalarni  va  tadqiqotlarni 
kuzatilib turilishini amalga oshirishga imkon yaratadi. 
Tadqiqotlar  tadqiqot  rejasi  asosisda  amalga  oshiriladi,  olingan    barcha  natijalar  o‘z 
vaqtida,  tez,  aniq  va  ravon  yozib  borilishi,  shu  yozuvlarni  yozgan  xodim  tomonidan 
sanasi ko‘rsatilgan holda imzolanadi va kompyuterga to‘g‘ridan-to‘g‘ri kiritiladi (sana 
qo‘yiladigan (elektron) imzo bo‘lishi lozim).   
Har bir tadqiqotdan so‘ng yakuniy hisobot tayyorlanadi va tadqiqotlarda ishtiroq etgan 
javobgar  tadqiqotchilar  hamda  ilmiy  xodimlar  hisobotlarini  imzo  va  sana  bilan 
tasdiqlaydilar. 
Yakuniy  hisobot  quyidagi  ma’lumotlarni  o‘z  ichiga  oladi,  lekin  ular  bilan 
chegaralanmasligi kerak: 
1 Tadqiqot, sinaluvchi va standart ob’ektlar bo‘yicha identifikatsion ma’lumotlar: 
a) kengaytirilgan nomlanishi; 
b) tekshiriluvchi ob’ektga tegishli identifikatsion ma’lumotlar - kod yoki nomlanishi 
(Nazariy va amaliy kimyo bo‘yicha Halqaro tashkilot nomenklaturasiga ko‘ra (IUPAC),  
Amerika kimyo jamiyatining kimyoviy adabiyotlar bo‘yicha axborot xizmatini ro‘yhati 
raqami bo‘yicha  (CAS), biologik harakteristikalar va boshqalar); 
c) standart ob’ektning nomlanishi; 
d)  sinaluvchi  ob’ektning  tozaligi,  turg‘unligi  va  bir  xilligini  o‘z  ichiga  olgan 
harakteristikasi. 
2 Homiy va sinov markazi xaqida ma’lumot: 
a) homiyning nomi va manzili; 
b) tadqiqotda ishtirok etuvchi sinov markazlari va maydonchalarining nomi, manzili; 
c) tadqiqot rahbarining familiyasi, ismi, otasining ismi va manzili; 
d)  javobgar  tadqiqotchi(lar)ning  familiyasi,  ismi,  otasining  ismi  va  manzili,  hamda 
unga bajarish uchun topshirilgan tadqiqot bosqichlari; 
f) yakuniy hisobotga hisobotlari kiritilgan ilmiy xodimlarning familiyasi, ismi, otasini 
ismi va manzili. 
3. Tajribaning boshlanish va yakunlanish sanalari. 
4 Sifatni ta’minlash bo‘yicha inspektorlarning hisoboti o‘tkazilgan tekshiruvlar turlari 
va  sanalari  to‘g‘risada,  tekshiruvdan  o‘tgan  tadqiqot  bosqichlari,  tadqiqot  rahbari  va 
javobgar tadqiqotchi(lar)ga taqdim etilgan sanasi ko‘rsatilgan tekshiruv natijalarini o‘z 
ichiga oladi. 
5. Tadqiqot materiallari va uslublari: 
a) tadqiqotlarda ishlatiladigan materiallar va uslublarning tasnifi; 

---

 
b)  tadqiqotda  ishlatilgan  iqtisodiy  hamkorlik  va  rivojlanish  tashkilotining  (OECD) 
uslubiy qo‘llanmasidan yoki boshqa rasmiy qo‘llanmalar va uslubiy hujjatlardan olingan 
axborot ma’lumotlar. 
6. Natijalar: 
a) natijalarning qisqacha mazmuni; 
b) tadqiqot rejasini bajarishda olingan barcha ma’lumot va natijalar; 
c) olingan ma’lumotlarni hisob-kitobi va statistik ishlovini o‘z ichiga olgan natijalarni 
taqdimoti; 
d) natijalarni baholash va muhokamasi, ma’lumotlar, xulosalar. 
7. Saqlash 
Tadqiqot  rejasi,  sinaluvchi  va  standart  ob’ektlarning  namunalari,  birlamchi 
ma’lumotlar  va  yakuniy  hisobotlarni  yaxshi  sharoitlarda  saqlanishini  ta’minlovchi  joy 
belgilanadi.