O`zbekiston respublikasi sog`liqni saqlash vazirligi toshkent farmatsevtika instituti

Yo‘riqnomalar  (standart  texnologik  jarayonlar)  muayyan  jarayonlarni, 
masalan:  tozalash,    ish  kiyimlarini  kiyish,  muhit  nazorati,  namunalarni  tanlash, 
sinovlarni  o‘tkazish,  uskunalardan  foydalanish  kabi  jarayonlarni  bajarish  uchun 
ko‘rsatma beradi,. 
Bayonnomalar asosida mahsulot har bir seriyaning tarixi, distribyusiyasini ham 
o‘z  ichiga  olgan  holda,  hamda  tayyor  mahsulotning  sifatiga  bog‘liq  bo‘lgan  barcha 
boshqa holatlar tasdiqlanadi.   
Hujjatlar mazkur standartga muvofiq holda puxta ishlab chiqilishi, tayyorlanishi, 
qayta ko‘rib chiqilishi va tarqatilishi lozim.  
Hujjatlar  tasdiqlash  vakolati  bo‘lgan  shaxslar  tomonidan  tasdiqlanishi, 
imzolanishi va sana qo‘yilishi lozim.   
Hujjatlarning  mazmuni  bir  ma’noli  bo‘lishi  lozim;  ularning  nomi,  turi  
va nimaga mo‘ljallanishi aniq ko‘rsatilgan bo‘lishi kerak. Hujjatlar, ularning nazoratini 
o‘tkazish engil bo‘lishi uchun tartib bilan joylashtirilishi lozim. Hujjatlarning nusxasi 
aniq  va  tushunarli  bo‘lishi  kerak.  Ish  hujjatlarining  aslidan  nusxa  olinganda, 
nusxalashtirish  jarayonida  yuzaga  keladigan  hech  qanday  xatoliklarga    yo‘l 
qo‘yilmasligi kerak. 
Hujjatlarni  muntazam  ravishda  qayta  ko‘rib  chiqib,  zamonaviy  talablarga 
muvofiqligini ta’minlab turish lozim. Agar hujjat qayta ko‘rib chiqilgan bo‘lsa, unda 
kuchini yo‘qotgan hujjatlarning xato qo‘llanishini bartaraf qiluvchi tadbirlar ko‘rilgan 
bo‘lishi lozim.      
Hujjatlar  qo‘lyozma  holatda  bo‘lmasligi  lozim,  shunda  hujjatlarga  masalan, 
blanklarga ma’lumotlarni qo‘lyozma kiritish ko‘zda tutilgan bo‘lsa, unda  qo‘lyozma 
yo‘li bilan  yozilgan yozuvlar o‘chirish mumkin bo‘lmaydigan holda  aniq va ravshan 
bo‘lishi kerak. Bunday yozuvlar uchun blanklarda etarli joy bo‘lishi lozim.   
Hujjatga  kiritiladigan  har  qanday  o‘zgarish,  imzo  bilan  tasdiqlangan  
va sana qo‘yilgan bo‘lishi lozim; o‘zgarish birlamchi axborotni o‘qish imkonini berishi 
kerak. Zarurat bo‘lsa, o‘zgarish sababi haqida bayonnoma tuziladi.  
Har  bir  amalga  oshiriladigan  hatti-harakat  davomida  bayonnomalarni  tuzish,  
ularni to‘plab borish lozim va shu orqali, dori vositalarini ishlab chiqarishga taalluqli 

---

 
muhim  faoliyatni  kuzatish  mumkin  bo‘lsin.  Ular,  hech  bo‘lmaganda,  tayyor 
mahsulotning yaroqlilik muddati tugaganidan keyin bir yil saqlanishi lozim.  
Ma’lumotlarni  qayd  etish  ma’lumotlarni  qayta  ishlashning  elektron  tizimlari, 
fotografiya  yoki  boshqa  ishonchli  vositalar  yordamida  amalga  oshirishi  mumkin. 
Bunda  foydalaniladigan  tizimni  qo‘llash  bo‘yicha  batafsil  qo‘llanma  bo‘lishi, 
yozuvlarning aniqligini esa tekshirish talab etiladi. Agar hujjatlashtirish ma’lumotlarni 
qayta  ishlash  elektron  tizimlari  yordamida  olib  borilsa,  unda  faqat  bunga  vakolatli  
shaxs kompyuterga ma’lumotlarni kiritishi yoki ularni o‘zgartirishi mumkin; axborotni 
o‘zgartirish yoki uni o‘chirish bayonnomalar yordamida qayd etilishi lozim; axborot 
bazasiga  kirish  parol  yoki  boshqa  vositalar  orqali  himoya  qilingan  bo‘lishi  lozim. 
Ahamiyatli  ma’lumotlarni  kiritish  natijalari  mustaqil  nazorat  ostida  bo‘lishi  lozim. 
Seriya  bayonnomalari  elektron  xotirada  saqlash,  qog‘oz    nusxasini  chiqarib  yoki 
axborotni  saqlashning  boshqa  usuli  bilan  himoya  qilingan  bo‘lishi  lozim.  Saqlash 
vaqtida axborotdan foydalanish engilligini ta’minlash juda muhim.