O`zbekiston respublikasi sog`liqni saqlash vazirligi toshkent farmatsevtika instituti

«Toza» xonalardagi asbob-uskunalarga nisbatan bo‘lgan talab 
«Toza»  xonalarda  ishlashda  foydalaniladigan  asbob-uskunalar  iloji  boricha 
shunday  qurilishi  va  joylashtirilishi  kerakki,  ularni    «Toza»  xonalardan  tashqarida 
ishlatish, hizmat ko‘rsatish va remont qilish mumkin bo‘lsin. Ishlar tugagandan so‘ng 
xonaga dezinfeksiyalovchi vosita bilan ishlov berish lozim. 
Aseptik  sharoitda  ishlashda  foydalaniladigan  asbob-uskunalarning  jarayon 
parametrlarini  nazorat  qilish  uchun  qayd  etish  moslamasi  bo‘lishi  zarur.  Asbob-
uskunalar nosozlik haqida habar beruvchi signalizatsiya qurilmasi bilan ta’minlangan 
bo‘lishi maqsadga muvofiq. 
Suv tayyorlash qurilmasini shunday loyihalash, qurish va ishga solish kerakki, u 
tegishli sifatdagi suv bilan ta’minlashi lozim. Ularni loyihadagidan yuqori quvvatda 
ishlatish  mumkin  emas  Suvni  ta’minlash,  saqlash  va  taqsimlash  Shunday  talab 
qilinadiki, uni 80 darajadan Yuqori yoki 4 darajadan past haroratda doimiy aylanish 
hisobiga hosil bo‘ladigan bakteriyalar o‘sishiga to‘sqinlik qilish kerak. 
Dori vositalari  ishlab  chiqarishda va sifatini nazorat qilishda foydalaniladigan 
asbob-uskunalar, ularni ishga tayyorlash, ishlatish va hizmat ko‘rsatishga iloji boricha 
qulay  qilib  quriladi  hamda  joylashtiriladi.  Asbob-uskunalar  va  nazorat-o‘lchov 
asboblarining  ko‘rinishi,  kattaligi  hamda  tavsifi  o‘tkazilayotgan  texnologik 
jarayonlarga mos bo‘lishi kerak. 
Dori vositalari ishlab chiqarish hamda sifatni nazorat qilishda foydalaniladigan 
tarozi va o‘lchov asboblari vaqti-vaqti bilan umum qabul qilingan usullarda kalibrlanib 
va tekishiruvdan o‘tkazilishi lozim. 
Mahsulot ishlab chiqarish, o‘rash, saqlash, transportda tashish va sifatini nazorat 
qilishda kompyuter texnikasidan foydalanish maqsadga muvofiq. 

---