O`zbekiston respublikasi sog`liqni saqlash vazirligi toshkent farmatsevtika instituti

Hujjatlar, sifatni ta’minlash tizimining ajralmas qismini tashkil etadi.  Aniq 
yozilgan  hujjatlar  og‘zaki  muomalada  yuzaga  kelgan  xatoliklarning    oldini  oladi  
va  seriyalar  tarixini  kuzatib  borishga  imkon  yaratadi.  Spetsifikatsiyalar,  ishlab 
chiqarish  retsepturalari  va  yo‘riqnomalar,  uslublar  va  bayonnomalarda  xato 
bo‘lmasligi uchun ular yozma ko‘rinishda mavjud bo‘lishi zarur. Hujjatlarning aniqligi 
muhim ahamiyat kasb etadi. 
Umumiy talablar 
Spetsifikatsiyalarda  talablar  batafsil  ifodalanadi,  bu  talablar  ishlab  chiqarish 
vaqtida  foydalaniladigan  xom  ashyo  va  materiallarga  yoki  olinadigan  mahsulotlarga 
muvofiq kelishi lozim. Ular sifatni baholash uchun asos bo‘lib xizmat qiladi.  
Ishlab  chiqarish  retsepturalari,  texnologik  yo‘riqnomalar,  o‘rab-joylash 
bo‘yicha  yo‘riqnomalar  o‘zida    barcha  foydalaniladigan  xom  ashyolar  haqidagi 
ma’lumotlarni  saqlaydi  hamda  barcha  texnologik  jarayonlar  va  o‘rab-joylash 
jarayonlarini belgilab beradi.