Сифат менежменти маърузалар матни

2. Мажмуийлик ва мақбул чеклаш тамойили. Стандартларни 
ишлаб чиқишда Стандартлаштиришнинг охирги объектига таъсир 
этувчи барча асосий элементлар (омиллар) ҳисобга олиниши шарт. 
Стандартлаштириш бўйича ишларни камайтириш учун асосий объектга 
таъсири оз элементлар хисобга олинмайди. Стандартлаштириш 
пайтида тавсифлар тизими ва ўзаро боғланган моддий ва номоддий 
элементлар мажмуига бўлган талаблар кўрилади. Бунда элементларга 
бўлган талаблар Стандартлаштиришнинг асосий объектига бўлган 
талаблардан келиб чиқиб аниқланади. Юқори сифатли маҳсулот 
олишга шароитлар яратиш ва ишлаб чиқариш самарасини ошириш 
учун маҳсулотнинг барча ҳаѐтий циклларини — лойиҳалаш, серияли 
ишлаб чиқариш ва фойдаланишларни — қамраб оладиган рационал 
Стандартлар тизими зарур. 

---

119 
3. Стандартлар тараққийпарварлиги ва мақбуллаштириш 
тамойили. Стандартлар орқали жорий қилинган кўрсаткичлар, 
меъѐрлар, тавсифлар ва талаблар илм-фан, техника ва ишлаб 
чиқаришнинг жаҳон даражасига мос бўлиши керак. Улар 
Стандартлаштириш объектларининг ривожланиш тенденцияларини 
ҳисобга олиши лозим. Фақат маҳсулотнинг янги (оширилган) сифатини 
ҳисобга олмай, балки уни ишлаб чиқаришга, материал ва 
фойдаланишга бўлган харажатларни ҳисобга олиб иқтисодий мақбул 
кўрсаткичларини жорий қилиш керак яъни иложи борича кам харажат 
қилиб, максимал иқисодий самарага эришиш даркор. Бу мақсадга 
эришишга илгарилаб ва мажмуий стандартлаштириш кўмаклашади. 
4. Стандартлаштирилаѐтган буюмларни функционал ўзаро 
алмашинувчанлигини таъминлаш тамойили. Фойдаланиш 
кўрсаткичлари бўйича ўзаро алмашинувчанликни таъминлайдиган бу 
тамойил мажмуий ва илгарилаб стандартлаштириш ҳамда буюмлар, 
уларнинг техникавий шартлари ва бошқаларни стандартлаштиришда 
асосийдир.