Сифат менежменти маърузалар матни

2. Стандартлаштириш бўйича ишларни илмий ташкил 

---

118 
қилиш тамойиллари 
XX асрнинг иккинчи ярмидан бошлаб умумжаҳон ривожланишида 
стандартлар, стандартлаштириш масалалари, биринчи навбатда, 
маҳсулот ва хизматларни, аҳолининг ҳаѐти, соғлиғи ва мол-мулки, 
атроф-муҳит учун хавфсизлигини таъминлаш, савдо-иқтисодий ва 
илмий техникавий ҳамкорликда техник тўсиқларни бартараф этиш ва 
энг мухим ички ва ташқи бозорга ишлаб чиқарилаѐтган маҳсулотлар 
сифатини ҳамда рақобатбардошлигини оширишни таъминлашга 
қаратилган самарали воситага айланди.
Стандартларнинг юқори сифати — маҳсулотнинг юқори 
сифатини белгилайди. Стандартлаштиришнинг жаҳон тажрибаси ва 
ривожланган мамлакатларда бу сохада қилинаѐтган ишлар шуни 
кўрсатадики, Стандартларнинг юқори сифати ва самарадорлигини 
таъминлаш учун уларни маҳсулот ишлаб чиқариш босқичида қуйидаги 
мажбурий тамойилларни бажариш керак: 
1. Тизимийлик тамойили. Техникавий тараққиѐт ва ишлаб 
чиқарилаѐтган маҳсулот сифатини ошириш ишлаб чиқариш жараѐнини 
таъминловчи одамлар мехнатини, мехнат воситалари қўлланаѐтган 
жихозлар, мосламалар, асбоблар, назорат воситалари ва бошқалар 
мажмуини ва мехнат предметлари ишлаб чиқарилаѐтган маҳсулотни 
яратиш ва ундан фойдаланишнинг барча босқичларини ўз ичига олган 
ишлаб чиқаришнинг ижтимоий жараѐнига тизимий ѐндашишнинг 
объектив заруратини талаб қилади. 
Тизим деганда ўзаро боғланган, қўйилган мақсадга максимал 
самара ва энг кам харажатлар билан эришишга олиб келадиган 
элементлар мажмуи тушунилади. Тизим элементларининг миқдорий 
боғланишлари детерминантланган ѐки тасодифий бўлиши мумкин. 
Тизимга кирган ўзаро боғланган элементлар мажмуи уларни турли 
даражада иерархик боғланишини кўриш мумкин бўлган тузилмасини 
ташкил этади.