Овкатланиш физиологияси

6.1. Умумий овқатланиш корхонасида ишловчи ходимларнинг 
шахсий гигиенаси 
 
Умумий овқатланиш корхоналарига ишга кирувчилар албатта тиббий 
кўрикдан ўтишлари керак. Гигиена бўйича билимларни ўқиб ўрганиб, синовдан 
ўтишлари зарур. Ўзбекистон Республикаси соғлиқни сақлаш Вазирлигининг 
меҳнаткашларни ишга киришдан олдин ва даврий тиббий кўрикдан ўтказиш 
тизимини такомиллаштириш тўғрисидаги 2000 йил 6 июн 300-сонли қарори 
билан медицина кўриги натижаларини ва санитария минимумли бўйича синов 
топширганлик ҳақида ҳужжат берилмаса, ишга қўйилмайди. 
Умумий овқатланиш корхоналари ходимлари қуйидаги шахсий гигиена 
қоидаларига риоя қилишлари керак: 
1.
Ишга тоза ва пойафзалда келиш. 
2.
Устки кийимлар, бош кийим, ортиқча нарсаларни алоҳида кийим ечиш 
шикафда қолдириш. 

---

3.
Тиноқлар тоза олинган бўлиши, лак бўёқлари бўлинмаслиги, 
бармоқларда узуклар, халқалар бўлмаслиги керак. 
4.
Ишга тушишдан олдин қўлни совунлаб тоза ювиш, топ-тоза санитар 
кийимини кийиш, сочларни махсус бош кийими остига олиш. 
5.
Ҳожатхонагача кириш олдидан санитар кийимларни махсус 
белгиланган жойда ечиб қолдириш, ҳожатдан чиқгач, қулни 
дезенфекция совунда тозалаб ювиш. 
6.
Шамоллаш, грипп аломатлари ёки ичак дисфункцияси сезилса, 
шунингдек, кесилган, куйган, йиринглаган жойлар бўлса вақтинча 
ишга қўйилмасдан даволаш зарур. 
7.
Ходим оила аъзолари орасида ичак инфекцияси билан оғриётганлар 
бўлса, тезда хабар бериш. 
8.
Иш жойида овқатланиш, чекиш, таъқуқланади, фақат белгиланган 
жойдагина овқатланиш ва чекиш мумкин. 
9.
Ҳар куни иш бошланишидан олдин яхна таомлар тайёрлаш цехи, 
иссиқлик ишлов бериш цехи, қандолат цехи ходимлари цех бошлиғи 
ёки тиббий ходим кўздан кечиради. 
10.
Юқумли касаллик аломатлари бор шахслар умумий овқатланиш 
корхоналарига ишга олинмайди. Лекин айрим касалликлар борки, 
ишлаб туриб даволанишга ишхона имконият яратиб берилади. 
Бу қоидаларга риоя қилмаслик аҳоли ўртасида юқумли касалликлар, 
қорин тифи, дезентерия, туберкулёз, тери-таносил касаллари, шунингдек 
токсикоинфекция салманеллёз, стафилакокдан заҳарланиш касалликларга олиб 
келади.