Ўзбекистон республикаси олий ва ўрта маҳсус таълим вазирлиги

Ҳавфсиз қатламли ойна тахтага зарб билан урилса, унда кўндаланг ёки 
тартибсиз дарзлар ҳосил бўлади, аммо қатламлар орасидаги елим ойна 
синиқларини ушлаб, уни бўлакларга бўлиниб кетишдан сақлаб қолади. 
Бундай тахта ойна эни 125 дан 525 мм гача; узунлиги 250 дан 1200 мм 
гача ўлчамда ишлаб чиқарилади.  
«Витрасил» деб аталувчи нур тарқатувчи тахта ойналар саноат 
қурилишида ишлатилади. У ўзидан иссиқлик ва товушни кам ўтказади. 
Қалинлиги 2-6 мм гача бўлган дераза тахта ойналарнинг сирти заводда 
махсус текисловчи ускуналарда пардозланади. Нур ўтказувчанлиги 84-89%. 
Бу хил ойна тахталар бино ҳамда вагон дераза кўзларини солишда, дўкон 
кўргазмалари ва шу кабиларни ясашда ишлатилади. Техник мақсадлар учун 
қалинлиги 20 мм дан ортиқ тахта ойналар хам ишлатилади. 

---

Тахта шишаларни прокат усулда тайёрлаганда, шиша бўтқа ярим 
совиганда унинг бир ёки икки юзасига безак берувчи қолип босилади. 
Натижада ойна юзасида уч ёки олти бурчакли ҳажмий бўртиб чиққан безакли 
фактура ҳосил бўлади. Безак ойна рангли ва рангсиз хилларда чиқарилади.. 
Шиша буюмларнинг мустаҳкамлигини ошириш ва синган тақдирда 
бўлакларга сачрамаслигини таъминлаш учун пўлат сим тўр билан 
арматураланади. Бу хил ойна ёруғлик тушадиган фонарлар, ойна тўсиқларга, 
саноат бинолари деразалари, зина катаги тўсиқлари ва шу кабиларда 
фойдаланилади. 
6.5. Энергия тежатежамкор ойна пакет ром 
Икки ёки учта тахта ойна орасидаги ҳаво сўриб олинган бўлади, 
натижада иссиқлик ўтказувчанлиги янада камаяди. 
Бундай шиша пакет ойналар иссиқлик ва шовқинни деярли ўтказмайди. 
Бу эса хоналарни иситишда сарфланадиган, энергоресурсни тежайди.
Шунингдек, энерготежамкор ойна пакетлари махсус хар турли рангдаги 
полимер парда билан қопланган бўлиб, инфрақизил нурларни қайтариб, 
иссиқликни эса ютади. Ойна қатламлари жуда юпқа полимер пардалар билан 
қопланганлиги сабабли, ойнанинг нур ўтказувчанлиги, шаффофлиги 
сезиларли ўзгармайди. Натижада хона қишда иссиқ, ёзда эса салқин бўлади. 
Шиша саноатида шакли ва ўлчамлари жиҳатидан асбест-цемент 
шиферларига ўхшаш томбоп тўлқинсимон тахта ойналар ишлаб 
чиқарилади. Унинг арматураланган хили ёруғлик тушиб турадиган дераза 
сифатида том ёпишда ишлатилади. 
Қалинлиги 5 мм дан катта бўлган ўта мустаҳкам тахта ойнанинг зарбга 
қаршилигини синаш учун унинг сиртига 1200 мм баландликдан 800 г 
оғирликдаги пўлат шар эркин ҳолда ташланади. Бунда тахта ойнада дарз ёки 
синиш аломатлари бўлмаслиги керак.
Иссиқликни қайтарувчи шиша - темир оксидли юпқа парда 
ёпиштирилган, нур қайтарувчи, оддий рангдан кўк-ҳаво рангача бўлган ойна. 
Қуёш нури узоқ вақт таъсир этса ва иссиқ бўлса қалинлиги 0,3...1 мкм бўлган 
парда кўчиши мумкин. Нур ўтказувчанлиги 30-70% га тенг. Пардабоп суюқ 
қоплама қизиган ойна юзига пуркалади ва кимёвий реакция воситасида 
ёпишади. Бундай тахта ойналар қуёшни 70-75% инфрақизил нурларини ўзига 
ютади. Оддий тахта ойналар эса 20-25% гина инфрақизил нурларини ютади.