Ўзбекистон республикаси олий ва ўрта маҳсус таълим вазирлиги

 
Синов саволлари 
1. Сополлар ва уларнинг таркиби. 
2. Сопол таркиби билан хоссалари ўртасидаги боғланиш. 
3. Сополбоп хомашёлар. 
4. Сопол ашёларни ишлаб чиқариш технологиялари. 
5. Сопол ашёларнинг хиллари. Қурилиш ғишти. 
6. Самарали деворбоп қоплама ғиштлар. 
7. Пардозбоп қоплама сопол плиткалар. 
8. Пардозбоп (фасад, пол, ички деворлар кислоталар таъсирига чидамли) сопол 
плиткалар. 
9. Сопол ашёлари ишлаб чиқаришда илмий-техника янгиликлари. 
10. Республикамиздаги сополбоп хомашё захиралари. 
11. Ўзбекистон деворбоп сопол ашёлари ва буюмлари. 
6.2 ПАРДОЗБОП ШИША ВА ШИШАСИМОН АШЁЛАР 
Эрамиздан аввал 2000-йилнинг бошларида ҳар хил рангда шишаларни 
ишлаб чиқариш йўлга қўйилган. Эрамизнинг I ва II асрларида ойнали дераза 
ромлар ишлатилган. Бунда шишаларнинг қалинлиги 3-6 мм ни ташкил этган. 
Ҳозирги кунда замонавий уйлар фасадининг 90% и ойна тахталар билан 
қопланмоқда. Бундан ташқари, қурилишда шиша буюмларининг қуёш 
нуридан химояловчи махсус фотохром, ток ўтказадиган, ҳавфсиз, мустаҳкам 
ва х.к. турлари кенг қўлланилмоқда. 
 
Шишабоп хомашёлар 

---

Шиша ва шиша буюмлар таснифига кўра қуйидаги гуруҳларга 
бўлинади: кимёвий таркибига қараб оксидли (силикатли, кварцли, боратли, 
фосфатли ва ҳ.к.) ва кислородсиз (галогенли, нитратли ва ҳ.к.) шишалар. 
Ишлатилишига қараб: қурилишбоп ва техник (кварцли атом ва нур 
техникасибоп шиша оптика, чиниқтирилган, кўп қатламли ва ҳ.к.) шишалар 
бўлади. 
Шиша- юқори ҳароратда эрийдиган минерал (модда)ларнинг қайта 
совутиш йўли билан тайёрланадиган юқори мустахкам, аморф модда. 
Шиша изотроп хоссага эга ва унинг эриш ҳарорати аниқ эмас. Шишани 
ташкил қиладиган асосий оксидлар миқдори- кварц SiO
2
80% гача, NaO-15% 
гача, CaO – 25% гача бўлади. 
Эритиладиган шишабоп хомашёнинг келиб чиқиши ва таркибидаги 
минералларнинг хилларига кўра -шиша эритма (асосан, кварц қуми ва бошқа 
чўкинди тоҳ жинслари); тошли (магматик ва чўкинди тоғ жинслари) ва 
тошқолли эритма (саноат тошқоли ва ашё хоссаларини яхшилайдиган 
қўшилмалар) гуруҳларига бўлинади. Асосий минерал хомашёлардан ташкил 
топган шиша таркибида кварц қуми, сода, доломит, оҳактош, поташ, натрий 
сульфат мавжуд. Рангли шишаларни олишда кўк ранг берувчи хром, ҳаво 
рангли кобальт, бинафша рангли марганец, жигаррангли темир оксиди ва ҳ.к. 
ишлатилади. Эритиш олдидан хом ашёга 15-20% шиша кукуни қўшилади.