П. Мирхамидова, А.Ҳ. Вахобов, Қ. Давранов, Г. С. Турсунбоева

СЎЗ БОШИ 
Ўзбекистон Республикасида яратилган мустақил демократик давлат, 
эркин фуқоролик жамияти қуриш йўлидаги улкан ишлар, инсон моҳиятини 
янгидан кашф қилишга, уни ўзлигини англашга, имкониятларни рўёбга 
чиқаришга ва маънавий интеллектуал, ақлий-амалий ривожланиш учун 
янгидан-янги кенг имкониятлар ва шарт-шароитлар яратиб берди. 
1997 йил 29 августда “Таълим тўғрисидаги” қонун қабул қилинди. Бу 
қонун асосида, олдингилардан фарқли равишда, халқ таълимининг янги 
қоидалари эълон қилиниб, ҳаётга тадбиқ этила бошлади. Таълим-тарбия 
жараёнининг мазмуни, шакл ва усуллари бу соҳада эришилган илғор 
тажрибалар асосида ишлаб чиқилди. Бунда таълимнинг жаҳон стандарти 
даражасида бўлиши назарда тутилади. Мустақиллик йилларидаги муҳим 
воқеалардан бири, яъни 1997 йил Олий Мажлиснинг IX сессиясида, кадрлар 
тайёрлашнинг миллий дастурини қабул қилиниши бўлди. Бу асосида таълим 
тизими босқичма-босқич ислоҳ қилина бошлади. 
Президентимиз И.А.Каримов таъкидлаганларидек: “Ҳаётимизни хал 
қилувчи муҳим масалалари қаторида, таълим-тарбия тизимини тубдан 
ўзгартириш, уни янги замон талабига кўтариш, баркамол авлодимиз 
келажагига даҳлдор қонун лойихалари ҳам бор”, - деган эдилар. Бу муҳим 
хужжатлар асосида таълим тизимида катта ўзгаришлар содир бўлмоқда. Бу 
жараёнда давлат таълим стандартлари ишлаб чиқилди. Кадрлар 
тайёрлашнинг миллий модели яратилди.Ўрта махсус, касб-ҳунар таълими 
узлуксиз таълимни бир тури сифатида янги таълим йўналишларини, яъни 
академик лицей, касб-ҳунар коллежлари барпо қилинди. Олий таълим ҳам 
икки босқичли, яъни бакалавриат ва магистратурадан иборат қайта тузилди. 
Бу ўзгаришлар таълимнинг ҳам назарий, ҳам амалий муаммоларини илмий 
асосда қайта ишлаб чиқишни бу соҳада жаҳон илғор тажрибаларини ҳисобга 
олиб, микробиология ва биотехнологияга доир замонавий илмий ишлар, ўқув 
қўлланмалар, дарсликлар яратишни тақазо қилди. 

---

 15 
Мустақил Ўзбекистонимизда таълим тизимини ислоҳ қилиш, кадрлар 
тайёрлаш миллий дастурини қабул қилиниши баркамол авлодни яратишдаги 
дастлабки қадамлардир. 
Таълимнинг мазмуни ўзгарувчан, у доимо янгиланиб туради. Янги 
демократик жамият қураётган ҳозирги кунларда ҳар бир фан жадал 
ривожланмоқда. Ҳар бир материал танлаш таълимнинг мазмунини янгилаш 
мураккаб муаммо.
Ўқув жараёни жаҳон талабларига мос келувчи давлат таълим 
стандартлари асосида ишлаб чиқилган ўқув режа ва дастурлари асосида 
ташкил этилмоқда.
Мустақил жамиятимиз тараққиётининг тамойилларига асосланган 
ҳолда ислоҳ қилинган ҳар бир фан эришилган ютуқлар даражасини илмий 
асосда акс эттириши лозим. 
Маълумки, микробиология айниқса, биологиянинг ёш тармоғи 
ҳисобланади. Бу соҳа бўйича республикамизда жуда кўп илмий ишлар 
қилинган. Лекин, талабалар учун микробиология ва биотехнология асослари 
фани бўйича лотин алифбосида адабиётлар етишмайди. 
Дарслик ўқув жараёнининг асосидир. Ҳар бир фаннинг мазмуни, 
мақсади ва вазифаси дарсликда ёритилади. Дарсликда баён қилинган илмий 
билимларнинг назарий асоси, ғоялари тизимли ва изчил бўлиши талаб 
қилинади. Назарий билимлар ишлаб чиқариш амалиёти билан боғланган 
бўлиши шарт. Дарсликда мавзу содда, равон тилда ёзлиши ҳамда тегишли 
қоида ва таърифлари берилиши керак.