O’zbtkiston respublikasi oliy va o’rta maxsus ta’lim vazirligi

Himoyachilarning individual taktik harakatlari. Himoyada samarali o‘ynash uchun himoyachi bir qator vaziyatlarni ketma-ketlikda hal etishi lozim.
Raqib hujumi vaqti joyni tanlash vazifasini hal etish. Bu raqibning hujumi vaqtida voqealar rivojini oldindan ko‘ra bilish asosida amalga oshadi: zarba uchun uzatish qayerga va kimga uzatilishini bilish zarur. Oldindan ko‘ra bilish qobiliyati guruhli va jamoaviy o‘zaro harakatlarning qo‘llaniluvchi jamoa tizimini hisobga olgan holda, hujumni qaytarish uchun maydonchada o‘z vaqtida dastlabki holatni egallashi uchun imkoniyat beradi. Vujudga kelayotgan vaziyat bo‘yicha, hujumchilarning xususiyatlari va afzalliklari bo‘yicha, hujumchilar qo‘lining zarba harakatlari bo‘yicha zarbaning yo‘nalishini mumkin qadar tezroq seza bilishidir. Bu o‘z vaqtida (agar hujum yo‘nalishini oldindan bilish vazifasi hal etilgan bo‘lsa, zarba berishgacha) to‘p bilan uchrashish joyiga o‘tish imkonini beradi. Faqat shunday holatda, to‘pga oddiygina qo‘l uzatishga emas, balki to‘p ostiga joylashishga ulgirish mumkin.
Uchib o‘tayotgan to‘pgacha bo‘lgan masofaga bog‘liq holda va harakatlanish hamda vaziyatning rivojlanishi bo‘yicha, zaruriy mo‘ljal bilan qaytaruvchi platformani to‘r ostiga o‘tkazish usulini aniqlash (qadam, egilish, tizzada sirpanish, yonga yoki umbaloq oshib yiqilish). To‘pning uchish tezligi bo‘yicha qaytaruvchi platforma bilan o‘zaro harakatlar tartibini aniqlash va tashkil etish (bo‘shashuvchi, barqaror yoki qarama- qarshi harakat tartibi).
O‘yinchilarning himoyalanishda individual taktik harakatlari. To‘siqni yoki hujumchi o‘yinchini himoyalovchi o‘yinchi shunga o‘xshash vazifalarni hal etadi. U, shuningdek, oldindan bilish asosida, mumkin qadar ertaroq himoyalash, dastlabki holatni egallash va to‘pga tomon harakatni boshlash uchun intiladi (agarda bu uning to‘pi bo‘lsa) yoki boshqa o‘yin harakatlariga qo‘shiladi.
Hujum qilayotgan jamoa o‘yinchilarining harakatlarini oldindan bilish va vujudga kelayotgan o‘yin vaziyatlarini hisobga olish ham himoyalovchining o‘yin samaradorligi uchun birinchi darajali ahamiyatga egadir. Agar ushbu vazifa qoniqarli hal etilsa, to‘pga tomon harakatlanish va
uni o‘ynash qiyin bo‘lmaydi, chunki to‘p uncha katta bo‘lmagan tezlikda uchayotgan bo‘ladi. Biroq, qachonki to‘p to‘siqchilarning qo‘liga urilsa va o‘z trayektoriyasini keskin o‘zgartirsa, himoyalovchi o‘yinchiga faqat tasodif va yaxshi ilg‘ab olishigina yordam berishi mumkin. Keskin kutilmagan harakatlarga tayyorgarlikni ta’minlashni ham himoyalovchi o‘yinchining mudofaa harakatlari taktikasiga kiritish mumkin.