O’zbtkiston respublikasi oliy va o’rta maxsus ta’lim vazirligi

Hujum zarbalarini qaytarishda himoyachilarning guruhli o‘zaro harakatlari. Ular quyidagi tarkiblarga ega bo‘ladi:
Bir-birini takrorlamaslik, navbatda qolib ketmaslik va yonma-yon turmaslik uchun himoyada to‘pni qabul qilishda dastlabki holatni egallashdagi harakatlarning kelishuvi;
Ishtirokchini – to‘pni kim qaytarishini aniqlash. Himoyachilar harakatlari kelishuvining ayrim qoidalari jamoaviy taktika bo‘limida keltirilgan. Biroq, hujum zarbalarini qabul qilish va uning ishonchliligini oshirishda hujumchilarning o‘zaro harakatlari jarayonini yengillashtiruvchi universal vosita bor. Bunda himoyada “qaychi” usulida o‘ynash nazarda tutilmoqda.
Ushbu usulning mohiyati shundan iboratki, teng masofada turgan o‘yinchilar o‘rtasidan uchib o‘tayotgan to‘pni, birdaniga har ikkala himoyachi ham qabul qilishga urinadi. Bir-biriga xalaqit bermaslik uchun himoyachilardan biri boshqasidan oldinroqdagi o‘rinni egallaydi. Himoyachilardan biri boshqasidan, qarama-qarshi yo‘nalishda harakatlanayotganidan biroz oldinroqqa siljiydi; ikkalasi ham to‘pning yo‘lini qo‘llari bilan to‘sishga urinadi. To‘p kimning qo‘liga tushgan bo‘lsa, to‘pni o‘sha o‘yinchi qaytaradi. Himoya harakatlarining bunday takroriyligi to‘pni qabul qilish ishonchliligini oshiradi va himoyachilarning o‘zaro harakatlarini soddalashtiradi. Himoyada “qaychi” usulida o‘ynash to‘p uchishining yerga qaratilgan trayektoriyalarida alohida samaralidir.
To‘siqchilar va himoyachilarning o‘zaro harakati. To‘siqchilar va himoyachilarning o‘zaro harakatlari bosh vazifa: maydonchaga yo‘naltirilgan zarbalarni qaytargan holda, birgalikdagi harakatlar bilan raqibning hujumlariga qarshi turishni hal etishga yo‘naltirilgandir. Jamoaviy taktika tizimi to‘siqchilar va himoyachilarning guruhli o‘zaro harakatlarini, shuningdek, ularning mas’uliyat hududlarini aniqlaydi. To‘siqchi o‘yinchilar maydonchaning bir qismini himoyachilarga qoldiradilar. Ayrim himoyachilar to‘siq yonidan uchib o‘tuvchi to‘pni
(buning uchun mos joyni egallash kerak), boshqalari esa to‘siq ustidan uchib o‘tuvchi to‘pni qabul qiladilar. Ular ham, bular ham zich bo‘lmagan to‘siqdagi tirqishdan yo‘naltirilgan to‘pni qaytarishlari mumkin. Shu tarzda, himoyachilar to‘siqchi o‘yinchilar xatolarini tuzatadilar. Kelishilgan o‘zaro harakatlarda to‘siqchi o‘yinchilar funksiyalarini boshqalardan ko‘ra yaxshiroq eplaydigan himoyachilarga kattaroq hududni topshirishlari mumkin. To‘siqchilar va himoyachilarning aniq o‘zaro hamkorligi butun jamoaning himoyadagi o‘yin samaradorligini jiddiy oshiradi.