O’zbtkiston respublikasi oliy va o’rta maxsus ta’lim vazirligi

O‘yinga kiritilgan to‘pni qabul qilishning guruhli taktikasi. U qabul qiluvchi o‘yinchilar guruhi o‘rtasida, shuningdek, qabul qiluvchilarning bog‘lovchilar bilan va qabul qilishda qatnashmaydigan voleybolchilar bilan o‘zaro harakatlaridan tashkil topadi. O‘yinga kiritilgan to‘pni qabul qiluvchi voleybolchilar o‘zaro harakatlarining muhim tomoni, o‘yinchilar bir-biriga xalaqit, bermasligi uchun, to‘pni kim qabul qilishini aniqlash hisoblanadi:
- o‘yinchilar o‘rtasida to‘pni qabul qilish zonalarini aniq belgilash;
- nizom holatlarida “to‘p qaysi o‘yinchining yaqinidan o‘tsa, o‘sha qabul qiladi” qoidasini qo‘llash;
- kelishuv bo‘yicha: “eng kuchli qabul qilishga ko‘proq haqli” yoki “undagi to‘p meniki” kabi o‘zaro kelishuvlar natijasida.
Raqib to‘pni kuch bilan o‘yinga kiritganda yoki o‘yinchi to‘pga harakatlanishda kech qolgani sababli qabul qilish uchun noqulay turib qolgan murakkab sharoitlarda, qabul qiluvchini boshqa o‘yinchilar, jumladan, bog‘lovchilar himoyalashi (straxovka) katta ahamiyatga ega bo‘ladi. Keyingi holat qabul qiluvchilar va bog‘lovchilarning o‘zaro harakatlarida muhim bo‘g‘in hisoblanadi. Qabul qiluvchi o‘yinchilar tomonidan to‘pni zonaga yetkazishga intilish bo‘lishi lozim, u yerdan bog‘lovchi uzatadi. O‘yin vazifalari, taxminiy hujum kombinatsiyasi, shuningdek, bog‘lovchi oldinga yoki orqa qatordanligi kabilarni hisobga yetkazib berish trayektoriyasi tanlanadi. Qabulda qatnashmayotgan o‘yinchilarning vazifalari tayyorgarlik harakatlanishlari va qabul qiluvchilarga xalaqit bermasdan, keyingi harakatlarni hisobga olgan holda dastlabki turish holatini tanlashdan iborat bo‘ladi.
O‘yinga kiritilgan to‘pni qabul qilishning individual taktikasi. Bu guruhli va jamoaviy o‘zaro harakatlar doirasida amalga oshiriladi. Biroq oshirishlarni qabul qilishni bajarishda o‘yinchilarning taktik harakatlarida, ma’lum bir erkinlik bo‘ladi. O‘yinga kiritilgan to‘plarni qabul qiluvchi o‘yinchi ketma-ketlikda bir qator vazifalarni hal etishi zarur:

1. 
   Ehtimoliy mo‘ljallash darajasida, to‘pni o‘yinga kirituvchi oshirishning qanday turini qo‘llashi, qayerga oshirishni topa olishi kerak. Buning uchun, boshqalari bilan birga qabul qiluvchi to‘pni o‘yinga
   

kirituvchi o‘yinchining texnik-taktikaviy, shuningdek, psixologik xususiyatlarini, o‘yindagi hisobni va vujudga kelgan o‘yin vaziyatini hisobga olishi kerak.

2. 
   To‘pga zarba beruvchining harakatlari va to‘pni o‘yinga kiritishdan so‘ng to‘pning uchish trayektoriyasi bo‘yicha to‘p bilan uchrashish joyini mumkin qadar ertaroq aniqlash lozim, bu to‘pni qabul qilish uchun o‘z vaqtida harakat boshlashga yoki zaruriy hollarda qabul qiluvchini himoyalashga (straxovka) imkon beradi.
   
3. 
   Harakatlanishning eng oqilona usulini tanlash va (qadamlab, egilib, yugurib, yiqilib) amalga oshirish.
   
4. 
   Hujumni tashkil etish uchun qulay holatdagi bog‘lovchi o‘yinchiga to‘pni ishonchli yetkazib berishni ta’minlash uchun to‘pni qaytarishning eng samarali usulini tanlash.
   

4.