O’zbtkiston respublikasi oliy va o’rta maxsus ta’lim vazirligi

Himoyachilar va himoyalovchilar (straxovka) o‘zaro harakatlari. Himoyachilar va himoyalovchi o‘yinchilar o‘z funksiyalarini maydonchaning ancha ichkarisida – jamoa mudofaa qurilmasining ikkinchi eshelonida amalga oshiradilar. Ular harakatlarining kelishuvi ko‘pgina sohalarda bo‘ladi. Maydonchani birgalikda himoyalagan holda, ular o‘z harakatlarini keraksiz takrorlashlarsiz hamda raqib hujumlari vaqtida maydonchaning qandaydir joyini himoyasiz qoldirmaydigan holda rejalashtiradi. O‘yinchilardan biri to‘siqni himoyalashga o‘tganida boshqalari uning hududini nazorat qilish lozim, bu ayniqsa, intuitsiya bo‘yicha himoyalashda juda muhumdir.
To‘pni kim o‘ynashi – himoyachi yoki himoyalovchi ekanligi to‘la tushunarli bo‘lmaydigan “chegaradagi” to‘plarni qaytarish bo‘yicha harakatlar ham kelishilgan bo‘lishi zarur. Bunday vaziyatlarda yoki oldindan kelishilganlik yoki “o‘yna” “qo‘ygin”, “men” kabi belgi buyruqlar ish berishi mumkin. Bunday harakatlar himoyalovchi o‘yinchining to‘siqchilar bilan o‘zaro harakatlarida ham foydalidir.
Himoyalovchi zich bo‘lmagan to‘siqda, ochiq hududda bo‘lishdan qochishi lozim, bunda to‘siqchilar qo‘li orasidan hujumchi kuchli zarba bilan yorib o‘tishi mumkin. Bunday to‘pni yaxshisi himoyachilarga qoldirish kerak.
Hujum zarbalarini qabul qilishning individual taktikasi. Bular o‘yinchilarning guruhli va jamoaviy o‘zaro harakatlari doirasida amalga oshiriladi. Raqibning hujumchi o‘yinchilarida o‘yin vaqtida hujumni rivojlantirishning bir qancha yo‘llari bo‘ladi. O‘yin vaziyatlarining tezkorligi himoyalanuvchi jamoa o‘yinchilarning harakatlarini birmuncha qiyinlashtiradi. Shu sababli, raqibning hujumlariga samarali qarshi turish uchun himoyalanuvchi jamoa o‘yinchilarining voqealar rivojini oldindan ko‘ra bilishi, o‘z vaqtida qarshi harakatni boshlashi uchun hujum qilayotgan o‘yinchilarning harakatlarini oldindan seza bilishiga asoslanib qarshi harakatlarni ertaroq boshlash ularning samaradorligini sezilarli darajada
oshiradi. Umumiy ko‘rinishda samarali qarshi harakatni tashkil etishning asoslari quyidagilar hisoblanadi:

• 
  vujudga kelayotgan o‘yin harakatini idrok etish va baholash;
  
• 
  qarorlar qabul qilinishi (qanday qarshi harakat qilish);
  
• 
  qabul qilingan harakat rejasini ro‘yobga chiqarish, qarorlarni amalga oshirish.