O’zbtkiston respublikasi oliy va o’rta maxsus ta’lim vazirligi

To‘siqda o‘yinchilarning individual taktik harakatlari. To‘siq qo‘yuvchi ketma-ketlikda quyidagi harakatlarni bajarishi kerak:

1. 
   To‘siq qo‘yish joyiga harakatlanishini ertaroq boshlash uchun, hujumchi o‘yinchilarning xususiyatlarini hisobga olgan holda vujudga keluvchi o‘yin vaziyati bo‘yicha ikkinchi uzatishning yo‘nalishini (qayerga, qanday trayektoriya bo‘yicha, qaysi hujumchiga) oldindan bilish.
   
2. 
   To‘siq bo‘yicha sheriklarining harakatlarini hisobga olgan holda harakatlanish (tiralma qadam, yugurish yoki sakrashni kuchaytirish hisobidan) sakrash vaqti va trayektoriyasining samarali usulini tanlash.
   
3. 
   Zarba yo‘nalishini oldindan bilish asosida, “ovlovchi to‘siq”da to‘p barmoqlardan raqibning maydonchasiga sakrab tushishini ta’minlash uchun qo‘llarni maqsadga muvofiq (bir tomonga, oldinga yoki orqaga) holda to‘siqqa uzatish. “Hudud to‘siqda” hujumchilarning ma’lum yo‘nalishdagi zarbalarini oddiygina yorib o‘tish lozim.
   

3. O‘yinga kiritilgan to‘pni qabul qilish taktikasi

O‘yinga kiritilgan to‘pni qabul qilishning jamoaviy taktikasi. Jamoaviy taktika shartli ravishda ikki tizimga: oldingi qatordagi bog‘lovchi o‘yinchining uzatishlarini qabul qilish va ikkinchi qatordan chiqib keluvchi bog‘lovchining qabul qilishga ajratish mumkin.
O‘yinga kiritilgan to‘pni qabul qilishda jamoaviy taktikaning har ikkala tizimining ham muhim tashkil etuvchi uzatish vaqtida maydonda o‘yinchilarning joylashuv usuli hisoblanadi. Qabul qilishda bevosita qatnashuvchi o‘yinchilarning soni va maydonchada ularning joylashish tartibi joriy o‘yin sharoiti, tarkibni shakllantirish tamoyili, shuningdek, qabul qilingan to‘pni yutib olishga tayyorlanayotgan hujum kombinatsiyasidan va uni qabul qilishda o‘yinchilarning mahoratiga bog‘liq bo‘ladi. Keyingi holatda jamoalar ishonchliligi yuqori bo‘lmagan o‘yinchilarning qabul qilishlaridan xalos bo‘lishga intiladilar. Ularni to‘r ostiga yoki maydoncha burchagiga “yashiradilar” (47-rasm, B). Shuningdek, qabul qilishda bog‘lovchi o‘yinchi ham qatnashmaydi – u to‘pga ikkinchi bo‘lib teginadi
(47-rasm, barcha variantlar), va odatda diagonal hujumchi ham qatnashmaydi, uning o‘yin yuklamasini pasaytirishga harakat qiladilar.
Mahoratli o‘yinchilar jamoalarida, asta-sekin eng ishonchli uchta o‘yinchi bilan qabul qilish tizimiga o‘tilmoqda.