O’zbtkiston respublikasi oliy va o’rta maxsus ta’lim vazirligi

Hujumchilarni himoyalash (straxovka) taktikasi Hujumchilarni himoyalash (straxovka) jamoaviy taktikasi.

Hujumchilarni himoyalashda o‘yinchilarning jamoaviy harakatlaridan
maqsad raqibning to‘siqda sakrab orqaga, maydonchaga o‘tgan to‘pni qabul qilishdan iborat. To‘pning ehtimoliy sakrashini hisobga olgan holda, jamoaning himoyalovchi o‘yinchilari shunday joylashishlari kerakki, to‘siqdan yoki himoyachilardan qaytarilgan to‘plarni iloji boricha (to‘p hujumchining zarbasidan keyin raqibning birinchi tegishidan so‘ng hujumchi jamoa tomonga qaytadi) ko‘proq qabul qilish mumkin bo‘lsin. Raqib to‘sig‘idan sakragan to‘plarning katta qismi maydonchaning oldingi qismiga tushadi, buni himoyalovchi o‘yinchilar hisobga oladilar. Ikkita-uchta o‘yinchi to‘p yonida, bevosita hujumchining yaqinida himoyalashni amalga oshiradi, bir yoki ikkitasi maydonchaning butun orqa qismini qo‘riqlaydi, bu yerga to‘p uchishining egri trayektoriyasida ba’zida sakrab o‘tishi mumkin.
Himoyalovchi o‘yinchilarga (ayniqsa, yoshlarga) to‘pning sakrashdan keyingi ehtimoliy yo‘nalishini aniqlash uchun to‘siq – bu hujumchi o‘yinchi tomonidan berilgan zarba yo‘nalishdagi qattiq qiya devor degan noto‘g‘ri tushunchadan kelib chiqish lozim. Biroq joyni tanlashda shuni ham hisobga olish lozimki, to‘siqchilar qo‘llaridan iborat bu “devor” tekis emas va to‘pning sakrashi, hujumchining zarbasidan so‘ng u qo‘lning qaysi qismiga tushishi bilan aniqlanadi.
Himoyalashda o‘yinchilarni qayta joylashning boshqa bir asosi shuki, ayrim o‘yinchilar himoyalashda to‘laqonli qatnasha olmaydilar.
Bunda gap hujumni soxtalashtiruvchi birinchi tempdagi hujumchilar va qiyin sharoitlarda zarba uchun uzatishni bajaruvchi bog‘lovchi o‘yinchilar haqida boradi. Shuningdek, hujumchi o‘yinchilar har bir aniq zarba xususiyatlarini ham hisobga olishi zarur. Orqa qatorga “yengil” zarbalarda to‘p odatda maydonchaning ancha ichkarisiga, “o‘zining ostida” zarbalarda esa odatda hujum zonasiga sakraydi. Hujumchilarni himoya (straxovka)lashda o‘yinchilarni kelishilgan taktik harakatlari qayta hujumchilarni tashkil etishga imkon beradi.