Ozbekstan Respublikasi Xaliq bilimlendiriw ministrligi

Da`nekerli qarsilas dizbekli qospa ga`p

Qarsilas dizbekli qospa ga`pler bir-birine, qarama-qarsi ma`nidegi ga`plerdin` dizbeklesiwinen du`zilip, sonin` menen birge da`nekerler arqalida baylanisip keledi. Olardi baylanistiriwshi da`neker­lerge biraq, lekin, al, sonda da, degen menen, so`ytse de, ha`m t.b.Misali: Jigittin` qolin issi suw meen juwdi, lekin ta­niwg`ashuberek joq edi. Qayik jag`ag`a keldi, biraq ishinen hesh kim tu`spedi.

Da`nekerli awispali dizbekli qospa ga`p

Awispali dizbek­li qospa ga`ptin quramindag`i jay ga`plerdin` mazmuni is ha`re­kettin` birinde bolmasa ekinshisinde iske asatug`in, yaki iske aspaytug`inin bildiredi. Quramindag`i jay ga`pler tek da`neker so`zler arkali g`ana baylanisadi. Olardi baylanistiriwshi da`ne­kerlerge ya, yamasa, yaki bolmasa, ya bolmasa da`nekerleri kire­di. Misali: Ya barliq xaliq qiriladi, ya sen basin`di tigesen`. Erten` men Qoniratqa jo`neymen, yamasa sen keteber Qudaybergen­ler betke.