Ozbekstan Respublikasi Xaliq bilimlendiriw ministrligi

Da`nekerli dizbekli qospa ga`pler

Da`nekerli dizbekli qospa ga`plerde da`nekerlerdin` qatnasina ha`m ma`nisine qaray to`mendegi tu`rlerge bo`linedi.

1. Da`nekerli mezgilles dizbekli qospa ga`p.

2. Da`nekerli qarsilas dizbekli qospa ga`p

3. Da`nekerli awispali dizbekli qospa ga`p

4. Da`nekerli gezekles dizbekli qospa ga`p

Da`nekerli mezgilles dizbekli qospa ga`p

Mezglles dizbekli qospa ga`plerdin` quramindag`i jay ga`pler biri-biri menen da/de, ta/te, ha`m, ja`ne usag`an biriktiriwshi da`nekerler ja`rdeminde baylanisadi.

Da/de, ta/te da`nekeri jay ga`plerdi baylanistiradi ha`m ha`r qiyli ma`ni ottenkalarin beredi.

1) Bir waqitta yamasa izbe-iz bolgan waqiya, is-ha`reketti an`latadi. Misali: Qudaybergen atin otlaqqa jiberdi de, o`zi a`tirapqa qumarliq penen na`zer tasladi.

2) Bir waqitta yamasa izbe-iz bolgan is-ha`reketti bildi­redi ha`m qarsilasliq ma`ni an`latadi. Misali: Anasi pa`tiyasin berip qaldi da, Qudaybergen esikten shig`ip kete berdi. Ha`m da`nekeri mezgilles dizbekli qospa ga`plerdin` quramindag`i jay ga`plerdi baylanistiradi ha`m bir waqitta yaki izbe-iz waqiya, is-ha`reketti an`latadi.

Misali: Murat ekewi salmani bir maydan su`zedi ha`m qazanda balik qaynap atirg`anin ko`resen. Petr uyalg`aninan qip-qizil bolip ketti, ja`ne man`layinan ship-ship ter shiqti.