O`zbekstan Respublikası xalıq bilimlendiriw ministirligi

Lektsiya № 1 
Pedagogikalıq sheberlik haqqında tu`sinik, onın` oqıtıwshı xızmetindegi ornı ha`m 
a`hmiyeti. 
Reje. 
1. Pedagogikalıq sheberlik haqqında tu`sinik. 
2. Pedagogikalıq xızmettin o`zine ta`n o`zgeshelikleri
3. Ka`siplik bilim ha`m pedagogikalıq uqıplılıq 
4. Pedagogikalıq texnika, jagday ha`m pedagogikalıq ma`sele 
Tayanısh tu`sinikler
:
Pedagogikalıq sheberlik, predmeti, maqseti, wazıypası, ka`siplik bilim, ko`nlikpe, 
uqıplılıq, do`retiwshilik, ilimlerdi iyeleu, aldıng`ı ta`jiriybelerdi qollanıw, ped texnika,
sezgirlik, intuitsiya, dinamizm 
1.1. Pedagogikalıq sheberlik haqqında tu`sinik. 
Jeke adamdı ha`r tamanlama ka`malg`a jetkeriw ha`mme waqıt ja`miyettin` za`ru`rli 
ha`m tiykarg`ı maqseti bolıp kelgen. Bul u`lken, juwapkershilik wazıypanı a`melge asırıw bolsa 
oqımıslılardın` aldın`g`ı qatarında turıwshı oqıtıwshılardın` moynına ju`klengen. 
O`zbeksta`n Respublikasının` 1997 jıl 31-avgustta qabıl etken «Bilimlendiriw 
haqqındag`ı» nızamında to`mendegi so`zler jazılg`an. Pedagoglardın` a`dep-ikram 
qag`ıydalarına su`yeniwi, balalardın` jeke byuasının` qadir qımbatın hu`rmetlewleri. Olardı 
miynet, nızamlar, ata-ankalar, hayal-qızlarg`a. ruwxıy, tariyxıy, ma`deniy-milliy ha`m ulıwma 
xalıqlıq u`rp-a`detlerge hu`rmet ruwxında, do`gerek ortalıqqa g`amqorlıq qatnasta bolıwdı 
ta`rbiyalawları sha`rt. 
Bul oqıtıwshılardın o`z ka`siplerin iyelewinde ju`da` u`lken tayarlıqta`n o`tiwlerin talap 
etedi. 
Ha`zirgi waqıtta joqarg`ı oqıw orınları da`wir talabına juwap beretug`ın qa`niygelerdi 
tek teoriyalıq bilimlerdi teren` u`yretken jag`dayda tayarlamaqta, oqıw rejelerinde ha`m
ka`siplik pa`nlerde oqıtıwg`a u`lken itibar bermekte. Lekin mekteptegi tek teren` bilimli, anıq bir 
pa`n qa`nigeligin iyelegen mug`allimler g`ana emes, sonın` menen qatar ullı adamgershilik 
qa`siyetlerge iye bolg`an balalar ha`m u`lkenler menen qıynalmasta`n baylanısa alatug`ın, 
olardın` psixologiyasın tu`sine alatug`ın haqıyqat sheber pedagog ustazlar kerek. 
Bunday qa`niyge pedagog-psixolog-ta`jiriybeli oqıtıwshı joqarı pedagogikalıq sheberlik 
ha`m texnika ko`nlikpeleri menen qurallang`an adam bolıwı kerek. 
Bolajaq oqıtıwshı qa`niygeligi boyınsha bilimlerdi iyelew dawamında o`zinin` a`dep-
ikramlılıq ruwxıy da`rejesin ken`eytiredi, o`z ka`sibi do`gereginde a`dep-ikram normalarına 
su`yeniw o`zgesheliklerin, onın` mazmunın o`zlestiredi, mug`allim a`depliliginin` balanın` jeke 
basına ta`sirin an`law. Tu`rli jag`daylarda o`z minez qulqın basqara alıw za`ru`rligin tu`sinip 
jetedi. Bir so`z benen aytqanda, pedagogikalıq sheberlikti, uqıp ha`m ko`nlikpelerdi. 
Pedagogikalıq texnika elementlerin o`zlestirip iyelep aladı. 
Usıg`an baylanıslı Tashkent ma`mleketlik pedagogikalıq institutının` oqıw rejesine 
1995-96 oqıw jılınan baslap Pedagogikalıq sheberlik tiykarları kursı barlıq fakul`tetler ushın
ma`jbu`riy pa`n sıpatında oqıtıladı. Bul pa`n ushın oqıw rejesinde 57 saat ko`leminde waqıt 
ajıratılıp. Onnan 32 saatı lektsiyag`a, 12 saatı laboratoriyalıq sabaqqa, 13 saatı seminar (a`meliy) 
sabaqlarg`a mo`lsherlengen. 
Pedagogikalıq sheberlik tiykarları boyınsha oqıtılatug`ın lektsiyalar alıp barılıwı za`ru`r 
bolg`an izertlewler, izleniwler, oqıtıwshı sheerliginin` mazmunı, onın` tiykarları, ka`siplesler, 
ata-analar, oqıwshılar menen baylanıs ha`m qarım- qatnaslardın` bag`darı, o`zgesheligi, 
metodikası ha`m olardın` balanın` jeke basına. Onın` sıpatlarına ta`siri haqqındag`ı bilimler 

---

menen qurallandıradı. Sonday-aq studentlerdi oqıtıwshı xızmetindegi ka`siplik sheberliginin` 
ornı, ma`nisi, pedagogikalıq xızmet dawamındag`ı baylanıs, qatnas ma`deniyatı menen qatnasqa 
kirisiw metodikası menen, oqıtıwshı xızmetindegi texnika, onın` sırları menen ta`nıstıradı. 
Kurstı oqıtıw dawamında studentler menen alıp barılatug`ın a`meliy sabaqlar ha`m 
laboratoriyalıq islerde u`yrengen bilimlerine muwapıq pedagshogikalıq shınıg`ıwlar o`tkeriledi. 
Bul bolajaq mug`allimde a`meliy ko`nlikpeler qa`liplestirip barıwın ta`miyinlep, oqıtıwda 
pedagogikalıq sheberlik ha`m texnika tiykarların iyelewine xızmet etedi. Sonın` ushın a`meliy 
sabaqlardı o`tkeriwde so`ylew ha`m oylaw ma`deniyatı tiykarları, pedagogikalıq usıllar ha`m 
baylanısta`n durıs paydalanıw o`zgesheliklerine sa`ykes shınıg`ıwlar o`tkeriwge ayrıqsha itibar 
beriledi. 
Studentler menen birlikte tu`rli pedagogikalıq sha`rayatlar jaratıp, olardı real 
sharayattag`ıday orınlaw, pedagogik ma`seleler sheshiw islerine, do`retiwshi sho`lkemlestiriwshi 
oyınlar ja`ne studentlerdin` do`retiwshiligin asırıwg`a jaratılg`an sharalarg`a ayrıqsha itibar 
beriledi ha`m olardı a`melde orınlawg`a tartıladı. 
Pedagogikalıq sheberlik tiykarları kursın tolıq o`zlestiriw menen bolajaq oqıtıwshılar 
mekteptegi praktika waqtında ha`mde instituttı pitkerip o`z betinshe oqıtıwshılıq xızmetin 
baslag`anlarında balalar ha`m eresekler ja`maatında o`zlerin erkin tuta alıwdı u`yrenedi. 
Pedagogikalıq sheberlik bul ha`r bir ta`rbiyashının` aldına u`lken juwapkershilikti
ju`kleydi,sebebi, bul ta`rbiya beriw jeke adamdı qa`liplestiriw maqsetinde bir adamnın` ekinshi 
adamg`a ta`sir jasaytug`ın ja`miyetlik qatnası bolıp esaplanadı. Mug`allim o`z pa`nin oqıtıw 
bilim beriw ja`ne ol arqalı oqıwshını morallıq, estetikalıq ha`m a`dep-ikramlılıq jaqta`n 
ta`rbiyalaw ma`seleleri bul onın` aldına qoyg`an tiykarg`ı maqsetlerinin` biri boladı. mug`allim
o`z oqıwshılarına bilim bergende onı oqıwshı a`piwayı qurg`aq qabıl etiwden saqlaw kerek. 
,ug`an jetisiw ushın mug`allimge pedagogikalıq sheberlik, ta`jiriybe za`ru`r boladı. O`z
maqsetin tolıq iske asırıw ushın pedagog ba`rhama izlenip barıw kerek. ha`r bir pedagog 
mekteptegi ma`deniy jumıslardın` sheber shlkemlestiriwshisi, en` aldı menen en` jaqsı 
ta`rbiyashı bola alıwı kerek. 
Sheber mug`allim bul o`z jumısında nag`ız ustazlıqta ko`rsetetug`ın adam. Mug`allim
bul eki jaqlama sheber adam: 1. Jeke adamnın` psixologiyasın teren` biliwshi. 2. Oqıtıw menen 
ta`rbiyalaw usılların teren` o`zlestirgen adam. Makarenko A.S. buzılg`an jaslardan haqıyqıy 
o`mirdi su`yiwshi, do`retiwshilik miynetti quwanısh retinde qabıl etetug`ın insanlardı jetilistirip 
a`jayıp tabıslarg`a eristi. Sheberlik-bul is ha`rekette ko`rinedi. Ol pedagogtın` joqarı 
na`tiyjelerge erisetug`ın pedagogikalıq is –ha`reketinin` en` joqarg`ı dja`rejesi menen 
anıqlanadı, yamasa oqıtıw menen joqarı ha`m turaqlı tu`rde jetilistirip barılatug`ın ta`rbiya 
o`neri a`ki bolmasa ilimiy bilimler sintezi, uqıp ha`m bilimler metodikalıq o`ner ko`nlikpeleri 
ha`m mug`allimnin` jeke sanalı miyneti menen anıqlanadı. Bul jerde aldı menen pedagogikalıq 
sheberlikke anıqlama bergennekn go`re, sheberliktin` ma`nisi nelerden ibarat ha`m 
pedagogikalıq xızmettin` o`zinin` qanday ekenligine analiz beriw kerek. 
Pedagogikalıq xızmettin` o`zgesheligi. Ha`r qanday xızmettegi sıyaqlı pedagogikalıq 
xızmet to`mendegi komponentlerdi o`z ishine aladı: maqset, qural, ob`ekt, sub`ekt. 
Pedagogikalıq xızmettin` maqseti neden ibarat. 
1.Mug`allimnin` jumısının` maqseti ja`miyet ta`repinen belgilenedi, yag`nıy onın` maqseti 
oqıwshılar sanasın ha`r ta`repleme rawajlanıwg`a bag`darlang`an bolıwı tiyis. Pedagogikalıq 
xızmetti a`wladtın` sotsiallıq dawam ettiriwshiligin a`melge asırıwg`a qolaylastırıladı. 
Pedagogikalıq jag`dayg`a baylanıslı mug`allim maqsetten shıg`a otırıp wazıypanı o`zi usınıwı 
kerek.
2. Mug`allimnin` xızmeti basqa xızmetlerdi basqarıwshı xızmet bolıp, bul o`zinshe bir 
oqıwshılardın` is ha`reketi na`tiyjesinde payda bolatug`ın xızmet bolıp tabıladı. 
3. Basqa adamnın` xızmetin basqarıwdın` quramalıg`ı sonda, pedagogtın` maqseti ha`mme 
waqıt ta`rbiyalanıwshının` keleshegine bag`darlang`an. bul maqset oqıwshılarda sen biliwin, 
islewin, isley biliwi kerek dep talap etedi. Sonın` menen birge balalar tek g`ana bu`gingi ku`nin 
oylap, bu`gingi ku`nnin` mashqalası menen jasaydı, al erten`gi ku`nin oylamaydı.bul na`rse 

---

ta`rbiyanın` qıyınshılıg`ının` en` tiykarı bolıp esaplanadı. Pedagog bu`gingi ku`nde jasap, 
keleshekti du`zedi. Bul a`lbette qıyın ha`m quramalı jag`day. Pedagogikalıq miynettin` 
o`zgesheliklerinin` biri sonnan ibarat Suxomlinskiydin` pikiri boyınsha ol kishkene adamdı 
saqlawı ha`m qorg`awı kerek. Bul o`zine ta`n o`zgeshelik mug`allimnen u`lken pedagogikalıq 
sheberlikti talap etedi. Pedagogikalıq miynettin` ob`ekti adam. Jeke adam aqıl, sezim, erk, 
isenim, o`zin-o`zi ta`nıw uqsag`an psixikalıq protsessler qa`liplesedi. Pedagogikalıq xızmettin` 
ob`ektinin` o`zgesheligi to`mendegilerden turadı. 
1. Adam ta`biyattın` o`li materialları emes, ol belsendi, qaytalanbaytug`ın jeke sıpatlarg`a 
iye bolıp atırg`an waqıyalarg`a o`zinshe qatnası ha`m tu`sinigi bar jaratılıs bolıp tabıladı. Adam 
o`zinin` maqseti, motivi jek minezine iye bolg`an pedagogikalıq protsesstin` qatnasıwshısı 
bolıp tabıladı. Solay etip pedagogikalıq xızmettin` ob`ekti bir waqıttın` o`zinde onın` sub`ekti 
boladı. 
2.Mug`allim ba`rha`ma o`zgeretug`ın ha`m o`siwshi adam menen jumıs islesedi. 
Sonlıqta`n og`an qatıp qalg`an bir ha`reket penen qatnas jasawg`a bolmaydı. Bul ju`da` qospalı, 
turaqlı do`retiwshilikti izleniwdi talap etedi.
3. Pedagoglar menen birge balag`a jas o`spirimge, balag`a onı qorshag`an barlıq o`mir
tosınnan ha`m ha`r qıylı bag`dardag`ı ha`reketler ta`sir etedi. Sonlıqta`n pedagogikalıq miynet
barlıq ta`sirlerge o`zgerisler engizip beriwi tiyis. 
Sub`ekt- ta`rbiyalanıwshıg`a ortalıqtın` (mıs pedagogtın`, ata-ananın` ja`ma`a`ttin`) ta`sir 
jasawı. Ta`rbiyalanıwshıg`a ta`sir etiwdin` tiykarg`ı quralı-mug`allimnin` jeke bası onın` bilimi, 
uqıbı aqılı. Oqıwshılar mug`allimnin` is ha`reketine, so`ylew ma`deniyatına bilimine , a`debine 
kiyiniw ma`deniyatına h.t.b. itibar bergen halda mug`allimler menen qatnas jasawg`a ha`reket 
qıladı. A`lbette mug`allim bunday jag`daylardı esten shıg`armawı kerek. Ta`rbiyanın` baslı 
quralına ha`r qıylı is ha`rekettin` tu`rleri miynet qatnas oyın oqıw kiredi. 
Pedagogikalıq xızmet pu`tin bir komponentten turadı. Ol pedagogika ha`m psixologiya, 
mug`allimnin` is ha`reketindegi gumanistlik bag`dardı, Ka`siplik bilim ha`m uqıplıq, 
pedagogikalıq etika ha`m pedagogikalıq texnika boyınsha ilimiy bilimlerdi o`zine sin`diredi. 
Mug`allim miynet xızmetinin` protsessinde o`z isinin` haqıyqıy sheberi boladı. Pedagogikalıq 
sheberlik- bul ba`rinende burın mektep aldında turg`an siyasiy ha`m pedagogikalıq 
wazıypalarg`a muwapıq pedagogikalıq sha`rayatlardı tabıslı sheshiwge mug`allimdi 
shaqıratug`ın ka`siplik bilim uqıplıq ha`m ko`nlikpelerdi iyelewi. 
Mug`allim hadal, isker tabanlı reyimli bolıwı, bul qa`siyetlerdi oqıwshıg`a sin`diriwi tiyis, 
ol sawatlı ha`m miynet su`ygish adam bolıwı o`zinin` jumısın sheksiz su`yiwi, balalarg`a ata-
analarınday qatnas jasawı tiyis. V.A. Suxomlinskiy mektepte mug`allimnin` miynetin
awırsınatug`ın birde bir pedagogtın` bolmawı kerekligin ayttı. 
Mug`allim adamdı su`yetug`ın og`ada u`lken talantqa ha`m o`z miynetine ba`rinende 
burın onın` ruwxın sergekligin, aqılının` anıqlılıg`ın pikir ju`rgiziwinin` tazalıg`ın, sezimler 
ug`ımlılıg`ın uzaq jıllar boyı saqlaytug`ın balalarg`a sheksiz su`yispenshilikti iyelewi kerek, al 
bunday sıpatlarsız pedagog miyneti azapqa aylanıp ketedi. Mug`allimnin` o`z miynetin ha`m 
balalardı su`yiw qa`siyetleri o`z miynetinin` sheberi bolıwı ushın pedagogikalıq 
isbilermenlikti iyelew ushın imkaniyatlar jaratadı. 
Ka`siplik bilim. Sheber mug`allimnin` bag`darlang`anlıg`ının` negizinde eki 
umtılıwshılıq- o`zi oqıtatug`ın pa`nge qızıg`ıwshılıq ha`m balalar menen mu`na`sibette bolıw 
talapshan`lıg`ı turadı. Ka`siplik bilim pedagogikalıq sheberliktin` teoriyalıq tiykarı bolıp 
esaplanadı. Mug`allim ilimiy bilimler sistemasın tu`p-tiykarınan iyelewi kerek. Pedagogika
psixologiya pa`ni boyınsha bilimler pedagogikalıq sheberlikti iyelewde u`lken rol` oynaydı. 
Mug`allim jiyi jiyi o`zi oqıtatug`ın predmet boyınsha bilimlerdi tan` qalarlıq da`rejede iyelewi. 
Biraq onı oqıwshılarg`a jetkerip bere almawı mu`mkin. Ilim tiykarları boyınsha bilimge iye 
bolg`anı menen ayırım mug`allimler klass penen baylanıs jasay almaydı.Balalar menen qarama-
qarsılıq payda etedi,eregisedi.Bunın` ba`rlıg`ı ta`rbiyashılıq uqıplılıq xaqqında jeterli da`rejede 
bilimlerdi iyelemegenliginen derek beredi.Pedagogtın` ka`siplik bilimi tiykarında pedagogikalıq 
uqıp printsiplnr xa`m qag`ıydalar ka`liplesedi.Bul printsip xa`m qag`ıydalardı xa`r bir pedagog 

---

o`z ta`jiriybesi tiykarında quraydı. Ka`siplik bilim metodologiyalıq(rawajlanıwdın`,ta`rbiyanın` 
nızamlılıg`ı), teoriyalıq,metodikalıq,texnologiyalıq jaqta`n ka`liplesiwi kerek.Bunın` ushın 
rawajlang`an ka`siplik pikir ju`rgiziw,tan`lay biliw, anıqlay biliw uqıbı kerek boladı. 
Pedagogikalıq uqıplılıq. Pedagogikalıq sheberliktin` en` bir a`xmiyetli elementinin` biri 
bul pedagogikalıq is-xa`reket uqıplılıq bolıp esaplanadı. En` a`xmiyetlisi jetekshi uqıplılıqtı 
tan`lap alıwdan ibarat bolıp, olarsız mug`allim o`z isinin` sheberi bola almaydı. Mug`allimnin` 
ka`siplik jumısının` tabıslı bolıwı pedagogikalıq uqıplılıqlarg`a baylanıslı. Ol bir neshe 
komponentlerden turadı. Pedagogikalıq uqıplılıqtı biz sha`rtli tu`rde u`shke bo`lemiz. 
Jeke uqıplılıq, didaktikalıq uqıplılıq xa`m sho`lkemlestiriwshilik uqıplılıg`ı. 
Jeke uqıplılıq balalarg`a beyimlilikten baslanadı.Beyimlilik degende biz balag`a 
su`yispenshilikti olar menen qarım-qatnasta bolıwdı, balalarg`a jaqsı tilekler aytıwdı tu`sinemiz. 
Olarg`a ju`da` dıqqatlı xa`m na`zik sezimli bolıwı kerek. Uqıplılıq ja`ne bir komponentten 
yag`nıy sabırlılıq xa`m o`zin-o`zi tuta biliwshilik. Mug`allim xa`r qanday jag`dayda o`zin sabırlı 
tutıwı,dıqqatlı bolıwı kerek, o`z temperamentin basqara alıwı, minez-qulqın qadag`alay biliwi 
xa`m olardı durıs paydalanıwdı yaddan shıg`armawı kerek. 
Didaktikalıq uqıplılıqqa tu`sindiriw,pikirdi anıq etip jetkeriw jatadı.Bunday uqıpqa iye 
mug`allimler qıyın materiallardı a`piwayılastırıp, awırdı jen`illestirip oqıwshılardın` sanasına 
tolıq jetkerip bere aladı. Bunday jag`dayda oqıwshının` psixologiyasın esapqa alıwı kerek. 
Xa`zirgi waqıtta xa`r qıylı ilimpazlardın` izertlewlerine tiykarlana otırıp pedagogikalıq 
xızmettin` altı jetekshi uqıplılıg`ın ko`rsetiwi mu`mkin. 
1.Kommunikativlik yag`nıy adamlarg`a jaqsı til tabıwshılıqta qatnas jasay biliw uqıbı. 
2. Pertseptiv qa`bilet-sezgirlik, empatiya, pedagogikalıq entuitsiya. 
3.Erikli ta`sir jasaw xa`m logikalıq isendiriwge uqıplılıq. 
4. Ku`shli sezimge turaqlılıq.yag`nıy o`zin-o`zi basqara biliw uqıplılıg`ı. 
5.Optimistlik boljaw uqıbı. 
6. Do`retiwshilikke bolg`an uqıplılıq. 
Xa`r bir mug`allim o`zinin` uqıbın tekseriwdi qatnas jasay biliw uqıbınan baslaw kerek. 
Sebebi balalar menen jaqsı til taba biliw xa`m qanaatlanıw sezimi o`z ka`sibine degen 
su`yispenshilikti qorg`ap qaladı. Uqıptı qorg`aw ju`da` quramalı sana ol tek ko`rgende esitkende 
payda bolmasta`n, al dıqqat awdarılg`an ta`repke qaray qızıg`ıwshılıq artqanda, sonday-aq 
mag`lıwmatlardı qayta islew boyınsha aqıldın` ku`shli jumıs islewinde payda boladı. Baqlaw 
xa`m ta`jiriybeler islew adamdag`ı sezgirlik uqıbının` rawajlanıwına tiykar boladı. Sheber bolıw 
degen so`z- bul pedagogikalıq protsesstin` barısın aldın ala boljaw. Bunda xesh qanday jasırın sır 
joq. V.A. Suxomlinskiydin` aytqanınday Aldı menen bala ju`reginin` xa`reketin biliw kerek . 
Dinamizm- bul isendiriw xa`m biylep alıw uqıbı, bul ishki energiya ta`sir etiw 
xa`reketlerinin` xa`r qıylı jan`asha usılı.Dinamizm ku`shli sezimtallıq turaqlılıq penen 
baylanıslı. Pedagogtın` o`zin-o`zi basqara biliwi ku`shli sezimtallıq turaqlılıg`ın keltirip 
shıg`aradı xa`m ol xa`r qanday jag`daylarda o`zin-o`zi basqara alıwına mu`mkinshilik beredi. 
Optimistlik boljay biliwshilik jetekshi ka`siplik pedagogikalıq uqıplılıqtın` baslawshısı 
bolıp tabıladı. Optimizm - bul keleshekke iseniw, tabısqa iseniw, kewil xoshlıq. 
Pedagogikalıq texnika mug`allimlerge oqıwshılarg`a xa`m olardın` ata-anaları menen 
qatnas jasag`anda durıs jol-joba ko`rsetiw mu`mkinshiligin bildiredi. Balalar menen a`depli, 
sıpayı qatnas jasaw, so`zlerdin` aytılıwı, mimikanı, qol xa`reketin durıs tan`lawdın` barlıg`ı 
pedagogkalıq texnika tu`sinigine kiredi. A.S. Makarenkonın` ko`rsetiwi boyınsha ( beri kel 
degen so`zdi 15-20 tu`rli dawıs penen aytıp u`yrengende bet a`lpetinde denesinde xa`m 
dawısında 20 tu`rli biliner-bilinbes o`zgerislerdi islep u`yrengennen keyin ol xaqıyqı sheber 
bolg`an. A.S. Maarenkonın` aytıwı boyınsha ped texnika bul dawıs basshılıq etiw iskusstvosı 
ko`z-qarasta`n paydalanıw sheerligi degen so`z. 
Pedagogikalıq jag`day xa`m pedagogikalıq ma`sele. Ped. ma`sele bul pedagogikalıq 
sheberliktin` tiykarg`ı da`rejesi onı sheshiw pedagogtın` ka`siplik da`rejesin ko`rsetedi. 
Pedagogikalıq ma`sele bul payda bolg`an pedagogikalıq situatsiyanı tu`siniw xa`m sheshiw jan`a 
da`rejege jetkeriw bolıp esaplanadı. Barlıq pedagogikalıq xızmet pedagogikalıq jag`daylardın` 

---

dizbeginen turadı. Olarg`a mug`allimler xa`m oqıwshılar ta`repinen oylamag`an jerde xa`m 
arnawlı tu`rde du`ziledi.
Oqıw baslandı deyik . Klassqa keshikken oqıwshı kirip keldi. Bul pedagogikalıq 
jag`day u`yge tapsırmanı tekseriw bir neshe oqıwshılar sabaqqa tayarlanbay kelgen- bulda 
situatsiya x.t.b. Bul barlıq waqıtta konfliktti( kelispewshilikti) payda etpeydi. Biraq ku`tilgen 
na`rse menen xaqıyqatlıq arasındag`ı qarama-qarsılıq keltirip shıg`aradı. Bul pedagogikalıq 
jag`daydı mug`allim tu`sinedi xa`m o`zi ushın ma`seleni payda etedi. Strategiyalıq xarakterde( 
oqıwshılarda juwapkershilikti, sho`lkemleskenlik sezimlerdi talay ta`rbiyalaw) taktikalıq 
xarakterde( bilimdi esapqa alıw xa`m tekseriw quralların islep shıg`ıw, sabaqtı biliw iskerligin 
jetilistiriw) pedagogikalıq jag`dayda ( oqımag`anlardı, keshikkenlerdi sabaq waqtında basqa 
jaqqa kewil bo`lgenlerdi qalay etip esapqa alıwg`a boladı. Bul jerde mug`allimnin` sheberligi 
xa`r qanday pedagogikalıq jag`daydı ma`selelerge aylandıra biliw uqıbında ko`rinedi.
Solay etip pedagogikalıq xızmeti durıs bag`darda basqarılg`an jag`dayda g`ana xa`r 
qanday situatsiya ma`selege aylanıwı mu`mkin. Ma`sele bir neshe sheshimge iye bolıwı 
mu`mkin. Jaqsı na`tiyjege erisiw mug`allimnin` bilimine, qa`biletine, texnikanı iyelewine 
baylanıslı boladı 
 
Bekkemlew ushin sorawlar 
1. Pedagogikalıq xızmettin o`zine ta`n qanday o`zgeshelikleri bar
2. Ka`siplik bilim degenimiz ne 
3. Pedagogikalıq uqıplılıq degenimiz ne 
3. Pedagogikalıq texnika haqqinda tusinik berin` 
4. Pedagogikalıq ma`sele 
A` D E B I Ya T L A R 
Karimov.I.A. Barkamol avlod-Uzbekiston tarakkietining poydevori. T-1997y 
Kadrlar taerlashning milliy dasturi. Toshkent-1997 y 
Uzbekiston Respublikasi “ Ta`lim tu`g`risidagi konuni”. T-1997 y 
Rubinskiy.V. taxriri ostida. Tarbiyaviy ish metodikasi. T-1992y 
L.Rasulova. Pedagogik maxorat fanidan ma`ruzalar matni FarDU 2002y. 
N.N.Azizxodjaev “Pedagogik texnologiya va pedagogik maxorat” Tashkent 2003 y