«O’zbekiston temir yo’llari» datk

Elektrovozni depoda yoki LTXKP da qabul qilib olishda qarovdan 
o’tqazish tartibi 
Mashinist elektrovozni qabul qilib olar ekan, uning sozligiga ishonch 
hosil qilishi kerak, bunda asosiy e’tiborni tormozlarga, qumdonlarga (qum 
solinadigan idishlarga), radio aloqaga qaratishi, lokomotivni texnik holatini 
ro’yxatga olish Jurnali bo’yicha, avtomat lokomotiv signalizatsiya va 
avtoto’xtatgichni (avtostop) sozlashni bilishi shart.
Elektrovozni ta’mirlashdan so’ng, depoda qarovdan o’tqazish 
kanavasida quyidagilarni qarovdan o’tkazib qabul qilib oladi: g’ildirak 
juftligini, aravachalarning ostki qismini, tortuv elektr dvigatellarini, tishli 
va tormozlarning richagli uzatmalarini, aravachalararo birikmani, 
kuzovlararo birikmani va boshqa detallarni. 
Tajriba to’planib borgan sari mashinist va uning yordamchisida barcha 
jihozlar tezda qarovdan o’tqazish ko’nikmasi hosil bo’ladi. Bu tartib 
umumiy holatda quyidagilarga qaratiladi. 
Elektrovoz ichida qarov boshqaruv kabinasidan boshlanadi. So’ngra 
qarov mashina xonasidagi va yuqori voltli kameradagi jihozlar qarovdan 
o’tkaziladi. Ikki seksiyali elektrovozlarni qarovdan o’tqazishda oldin 1-
seksiyadan keyin 2-seksiyaga o’tiladi va u yerda kuzovga o’rnatilgan 
barcha jihozlar qarovdan o’tkaziladi. Qarov davomida lyukning 
joylashuviga qarab tomga ko’tariladi va u yerdagi jihozlar qarovdan 

---

23 
o’tkaziladi. Inventar asboblar va ehtiyot qismlarning sozligiga ishonch 
hosil qilinadi. 
Qarov xondagida (kanavasida) tortuv elektr dvigatellari, shuningdek 
yurish qismi va mexanik jihozlar qarovdan o’tkaziladi. So’ngra ular 
elektrovozning o’ng tomoni va ko’ndalang yon tomonidan o’tib qarovdan 
o’tkaziladi. 
Qarov davomida ta’mirlash Kitobi va texnik xizmat ko’rsatish 
Jurnalida belgilangan mazkur texnik xizmat ko’rsatish va ta’mirlash 
ishlari uchun ko’zda tutilgan barcha ishlar bajarilganligi nazorat qilinadi. 
Elektrovozni depo yoki LTXKP da, lokomotiv brigadasi almashayotganda 
qabul qilishda teplovoz va elektrovozlarga texnik xizmat ko’rsatish va 
ta’mirlash bo’yicha yo’riqnoma talablariga amal qilgan holda qabul 
qilinadi.