O‘zbekiston tarixi

Bandar – port; kema to‘xtaydigan joy.

Bank (frans. banque – tashkilot, muassasa) – pul mablag‘larini o‘zida saqlovchi, kredit (qarz, ssuda) beruvchi, pul hisobotlarini, pul chiqarishni (emissiyani), qimmatli qog‘ozlar (banknotlar, cheklar, veksellar) chiqarishni amalga oshiruvchi va davlatlar, korxonalar, muassasalar va alohida shaxslar orasida o‘zaro to‘lovlarni va hisob-kitobni amalga oshirishda vositachi vazifasini bajaruvchi maxsus iqtisodiy institut.

Banno – o‘rta asrlarda imorat quruvchi usta.

BANOKAT, SHarqiya, SHohruhiya – Sirdaryoning o‘ng sohilida, Ohangaron (Iloq) daryosining Sirdaryoga qo‘shilish joyidagi karvon yo‘li yoqasida joylashgan qadimiy shahar xarobasi (I-XVIII asrlar). Tadqiqotlarga ko‘ra, dastlab (I a.) uning mudofaa devorlari bo‘lmay, atrofdagi daryo va jarliklar tabiits mudofaa vazifasini bajargan. Ilk o‘rta asrlar(V-VI a.)da burjli mustahkam mudofaa devori bilan o‘ralgan. XII-XIII asr boshlarida shahar yanada kengaygan. Mo‘g‘ullar istilosi davrida Banokat vayron bo‘lgan. 1392 yilda Amir Temur Banokatni qayta tiklab, o‘g‘li SHohrux sharafiga SHohruxiya deb atagan. O‘zaro urushlar oqibatida XVIII asr boshlarida vayron bo‘lgan.