O‘zbekiston tarixi

BadaXshon – Amudaryoning yuqori oqimida, uning har ikki sohilida joylashgan tog‘lik mamlakat. Fayzobod uning poytaxti bo‘lgan.

BAYONOT – xalqaro huquqda bir yoki bir necha davlatning siyosiy partiyasi yoki partiyalari, hukumati yohud hukumatlarining bir yoki bir necha davlatlarga oid muhim masalalar yuzasidan o‘z rasmiy fikrlari, qarashlari hamda maqsadlarini, ma’lum hatti-harakatlarini qo‘llab-quvvatlashlari yoki aksincha, qoralashlarini, ularga e’tiroz bildirishlarini ifodalaydigan hujjat.

BAZZOZ – gilamfurush, ip-gazlama bilan savdo qiluvchi do‘kondor.

“Bayt ul-hikmaT” – Donishmandlar uyi. Arab xalifasi Ma’mun ibn Xorun ar-Rashid zamonida (813-833) Bog‘dodda tashkil etilgan islom SHarqining o‘sha davrdagi fanlar akademiyasi. Buyuk vatandoshlarimizdan al-Xorazmiy (786-850) va Ahmad al-Farg‘oniylar (797-865) Ma’mun akademiyasida faoliyat yuritganlar. Xususan al-Xorazmiy ushbu akademiyaning mudiri bo‘lgan.

Baytulloh – Makka islom dinining yagona markaziga aylanganidan keyin Ollohning uyi – Ka’baga berilgan nom.

Bakovul – Buxoro amirligida saroy oshxonasini boshqaradigan amaldor.

Balx – Afg‘onistonning shimolidagi o‘rta asr shahri. Qadimgi Baqtra.

BAND – 1) to‘g‘on, suv ombori; masalan, X asrda hozirgi Forish tumani Pasttog‘ darasida toshdan qurilgan Xonbandi, Nurota tumanidagi G‘ishtband (XII asr), Abdullaxon bandi (XVI asr); 2) qum bosishni to‘xtatish uchun qurilgan to‘siq, ihota; 3) tog‘ oralig‘idagi juda tor yo‘l (masalan, Darband aslida “Darai band”).