O‘zbekiston tarixi

Arkon (ar. — ustun.) — islomning beshta asosiy talabi iymon, namoz, ro‘za, zakot, haj.

Arlot, arlat, allot — o‘zbek urug‘laridan biri. Manbalarga ko‘ra, CHingizxon tomonidan CHig‘atoy ulusini boshqarish uchun ajratilgan 4 ming kishilik qo‘shin boshliqlaridan biri ham arlot urug‘idan bo‘lgan. Arlotlar Amudaryodan janubda, SHimoliy Afg‘oniston xududlarida o‘rnashganlar. Keyingi asrlarda hozirgi O‘zbekistonning janubiy viloyatlari, shuningdek Xorazmga ko‘chib o‘tganlar Buxoro viloyatidagi Olot shaxrining nomi ham "arlot” so‘zining fonetik o‘zgarganidir.

Arna (qad. er.) — suv, sanskritcha arnas — suv oqimi) — O‘rta Osiyoda keng tarqalgan tarixiy termin. Forishda bosh kanalni, Zomin, Jizzax, G‘allaorol (tumanlarida kichik jarni, Qozog‘istonda daryo o‘zanini, Zarafshon etaklarida quruq o‘zanni, boshqa joylarda daryo irmoqlarini arna deb atashadi.

Arxaizm (yun. — qadimgi) — biron-bir narsa-hukm, yozuv, ibora yoki ijtimoiy hodisaning qadimgi davrga oidligini bildiruvchi tushuncha.

Arxantroplar (yun. — qadimgi odam) ibtidoiy odamning dastlabki vakillari. Arxantroplar ilk paleolit davrida yashaganlar. (Avstralopitek, zinjantrop, Pitekantrop, Sinantrop, Fergantrop).