O‘zbekiston tarixi

Vaqfi-dahyak – Davlat hazinasi uchun soliq undiriladigan vaqf erlari

VAQFI-HOLIS – soliqlardan ozod qilingan vaqf erlari

VAHDONIYAT (arab. – yakkalik, yagonalik) – Ollohning yakka-yagonaligini tanish va e’tirof etish. Vahdoniyat islomning asosiy g‘oyasi hisoblanadi.

Verniy – hozirgi Olmaota shahri. Turkiston General Gubernatorligiga qarashli Ettisuv viloyatining markazi bo‘lgan.

VETO (lot. veto – ta’qiqlayman) – 1) davlat huquqida davlat hokimiyatining biror organi tomonidan qabul qilingan qarorning uning boshqa bir organi (davlat boshlig‘i) tomonidan bekor qilinishi. Veto tartibi Qadimgi Rimda vujudga kelgan. Hozirgi zamon burjua davlatlarida, odatda, davlat boshlig‘iga parlament qabul qilgan qonunlarga nisbatan veto qo‘yish huquqi beriladi; 2) BMTning Xavfsizlik Kengashi doimiy a’zolarining BMT ustavida ko‘zda tutilgan huquqi. Ustav ularning Xavfsizlik Kengashida muhokama etilayotgan masala yuzasidan bir fikrda bo‘lishini talab qiladi; doimiy a’zolardan birortasi muhokamadagi masala yuzasidan qaror qabul qilinishiga rozilik bildirmasa, qaror rad etilgan, ya’ni unga veto qo‘yilgan hisoblanadi.