O‘zbekiston tarixi

Antimonopol siyosat – iqtisodiyotni monopoliya (yakka hukmronlik)dan xalos etish va monopoliyalarni cheklab qo‘yishga yo‘naltirilgan davlat siyosati. Antimonopol siyosatdin ko‘zlangan asosiy maqsad tovar ishlab chiqaruvchilar o‘rtasida sog‘lom raqobatni vujudga keltirish va shu orqali tovarlar narxini tushirishdir.

ANTOGONIZM (lot. antagonisma – bahs, kurash) – bir-biriga qarama-qarshi kuchlar, g‘oyalarning keskin kurashini ifodalaydigan ziddiyat.

Antropogenez (yunon. anthropos – odam, genesis – rivojlanish) – odamning kelib chiqishi va rivojlanish jarayoni, antropologiya fanining tarmog‘i. Bu jarayon to‘g‘risida turli fikrlar mavjud. Darvin, Geksli va Gegel inson oliy darajada taraqqiy etgan odamsimon maymunlardan kelib chiqqan deydilar. Zamonaviy fan antropogenez jarayonining ijtimoiy mehnat nazariyasini tasdiqlamoqda. Insonning paydo bo‘lishi va rivojlanish jarayoni (antropogenez) bir necha bosqichlarga bo‘linadi. Antropogenez jarayonining birinchi bosqichi Avtralopitek va Zinjantrop odamlar yashagan davr hisoblanib, bu ibtidoiy odam turlari taxminan 3-2 mln. yil ilgari yashagan. Odam taraqqiyotining ikkinchi bosqichi Pitekantrop va Sinantroplardir. Ular bundan 1 mln.-800 ming yil ilgari yashaganlar.

Avstralopitek, Zinjantrop, Pitekantrop, Sinantrop odamlari fanda arxantroplar (eng qadimgi odamlar) deb yuritiladi. Arxantroplarga mansub odam izlari O‘zbekiston (Sulung‘ur g‘ori) dan ham topilgan bo‘lib, fanda u Fergantrop (Farg‘ona odami) deb aytiladi. Antropogenez jarayonining uchinchi bosqichi Neandertal odamlariga to‘g‘ri kelib, ular bundan 100-40 ming yil muqaddam yashashgan. Fanda bu odam turi paleoanroplar (qadimgi odamlar) deb nomlanadi. Neandertallar ibtidoiy odam shakllanishi jarayonining so‘nggi bosqichi bo‘lib, ulardan keyin 40-35 ming yillikka kelib zamonaviy qiyofadagi Kromanon odamlari (Neontroplar) shakllangan.

Antropologiya (yunon. anthropos – odam, logos – fan) – qadimgi odamlarning kelib chiqishi, tashqi ko‘rinishi va rivojlanish bosqichlarini o‘rganuvchi fan.