O’zbekiston respuplikasi oliy va o’rta maxsus ta’lim vazirligi samarqand davlat chet tillar instituti tarjimonlik fakulteti

4)

 

terak  so’zi: 

Terakmozor  (Farg’ona  rayoni);  Teraktagi  (Quva,  Toshloq,  Andijon, 

Paxtaobod, Moskva rayonlari); Qatorterak (Izboskan, Bo’z, Moskva rayonlari);

 

5)

 

qayrag’och  so’zi: 

Qayrag’och  (Leningrad,  Quva  rayonlari);  To’pqayrag’och 

(Chortoq rayoni); Qayrag’ochovul (Zadaryo rayoni); Qayrag’ochto’pi (Norin rayoni)

 

Bulardan  tashqari  respublikamizda  olma,  o’rik,  pista,  anjir,  shaftoli,  yong’oq, 

bodom kabi mevali; chinor, archa, sada, to’rang’i singari mevasiz daaxt nomlari bilan, 

shuningdek  g’umay,  shuvoq,  yantoq,  ajiriq,  tikon  deb  yurituvchi  yovvoyi 

o’simliklarning  nomlari  bilan  atalgan  aholi  punktlari  ham  mavjuddir.  Toshkent 

oblastidagi  Olmaliq,  Boyovut,  Chinoz,  Kitob,  Kattaqo’rg’on,  Kosonsoy,  Izboskan, 

Quva,  Yangiqo’rg’on  rayonlaridagi  Olmazor,  Zomin  rayonidagi  O’rikli,  Chortoq 

rayonidagi  O’rikzor,  Andijon  rayonidagi  Pistamozor,  Koson  rayonidagi  Pistali, 

Vobkent rayonidagi Anjirbog’, Oltinko’l rayonidagi Shaftolizor, Buvayda rayonidagi 

Yong’oqlik,  Xatirchi  rayonidagi  Yong’oqli,  Sariosiyo  rayonidagi  Bodomiston, 

Chortoq  rayonidagi  G’aynolizor,  Uzumzor,  O’zbekiston  rayonidagi  Chinor,  Urgut 

rayonidagi  Yuqorichinor,  Farg’ona  rayonidagi  Archa,  Toshloq  rayonidagi  Sada, 

Chortoq rayonidagi To’psada, Qirov rayonidagi Chorvoqto’rang’i, Frunze rayonidagi 

G’umayli,  Quva  rayonidagi  Shuvoqzor,  Qirov  rayonidagi  Qorayantoq,  Nurota 

rayonidagi  Tikonli,  Tomdi  rayonidagi  Ajriqli  oykonimlari  shular  jumlasidandir. 

 

Sebzor 

(Toshkent  shahri),  Olvalizor  (Namangan  shahri),  Xoriston  (Oltiariq 

rayoni),  Chumoqcha  (Rishton  rayoni)  oykonimlarining  o’zagi  tojikcha  seb  (olma), 

olvali  (olcha),  xop  (tikon),  chumoq  (yong’oq)  bo’lib,  “olmazor”,  “olchazor”, 

“tikonzor” 

va 

“yong’oqcha”, 

“kichik 

yong’oq” 

ma’nolarini 

bildiradi.     

---

41 

 

Fitooykonimlar o’simlik yoki daraxtning ma’lum bir joyda ko’p yoki kamligidan 

darak beradi. O’simlikning ko’p ekanligi ma’nosini bildiruvchi oykonimlar tarkibida 

“ming”,  “to’p”,  “qator”  “gala”  sonlar  va  miqdor  bildiruvchi  ayrim  so’zlar  mavjud 

bo’ladi:  Mingo’rik,  Mingchinor,  To’ptol,  To’pterak,  Qatortol,  Galatut  singari. 

Shuningdek,  Grammatik  jihatdan-li,  -lik,  -zor,  -iston  qo’shimchalari  orqali 

shakllangan  oykonimlar  ham  o’simlik  turning  ma’lum  yerda  boshqa  ob’yektlarda 

nisbatan ko’proq uchrashligini bildiradi: O’rikli, Tolli, Yong’oqli, Olmali, Uzumzor, 

O’rikzor, Nayiston (nay-qamish), Bodomiston kabi. 

O’simlikning  kamligi  yoki  sanoqli  ekani  ma’nosini  bildiruvchi  oykonimlar 

tarkibida “yakka”, “ikki”, “qo’sh”, “uch”, “to’rt”, “chor” (to’rt) so’zlari ishtirok etadi: 

Yakkatol, Yakkatut, Ikkitol, Qo’shchinor, Qo’shtol, Uchchinor, Chorchinor, Chortut 

va  boshqalar.  Bundan  tashqari,  hech  qanday  qoshimchasiz  (affiksiz)  o’zak  holida 

qo’llanuvchi  Chinor,  Qayrag’och,  Sada,  Archa,  Tut,  Chilon  singari  fitooykonimlar 

ham  joy  nomi  uchun  asos  bo’lgan  so’zda  ifodalangan  o’simlik  turning  o’sha 

territoriyada  ozligi,  kam  miqdorda  ekanligi,  lekin  eng  xarakterli  belgi  vazifasini 

o’tashligini bildiradi.