O’zbekiston respublikasining soliq kodeksi I bo’lim. Umumiy qoidalar

279-modda. Hisobga o’tkazilmaydigan soliq summasi 
Tovarlarni (xizmatlarni) olish (olib kirish) chog’ida soliq to’lovchi tomonidan 
to’lanishi lozim bo’lgan (to’langan) soliq summasi ushbu Kodeksning 278-
moddasiga muvofiq, quyidagi hollarda hisobga olinmaydi: 
1) realizatsiya qilish bo’yicha aylanmalari soliq solishdan ushbu bo’limga 
muvofiq ozod qilingan tovarlarni ishlab chiqarish va (yoki) realizatsiya qilish 
(xizmatlar ko’rsatish) uchun mo’ljallangan asosiy vositalar ko’chmas mol-mulk 
ob’ektlari va nomoddiy aktivlar olinganda (olib kirilganda); 
2) tovarlar (xizmatlar) ushbu qismning 1-bandida ko’rsatilgan asosiy 
vositalarni, ko’chmas mol-mulk ob’ektlarini qurish, modernizatsiyalash, 
rekonstruktsiya qilish, texnik jihatdan qayta jihozlash va ta’mirlash uchun 
olinganda; 
3) realizatsiya qilish bo’yicha aylanmalari soliqdan ozod qilingan tovarlar 
(xizmatlar) ishlab chiqarish va (yoki) realizatsiya qilish (xizmatlar ko’rsatish) uchun 
olinganda; 
4) tovarlar (xizmatlar) soliq to’lovchi bo’lmagan yuridik shaxslar yoki yakka 
tartibdagi tadbirkorlar tomonidan olinganda; 
5) tovarlar (xizmatlar) bepul olinganda, bundan oluvchi ular bo’yicha soliq 
to’lagan hollar mustasno; 
6) soliq to’lovchining shaxsiy ehtiyojlari uchun foydalanishga mo’ljallangan, 
ushbu Kodeksning 329-moddasiga muvofiq foyda solig’ini hisoblab chiqarishda 
xarajatlari chegirib tashlanmaydigan tovarlar (xizmatlar) olinganda. 
Soliq to’lovchi tovarlarni (xizmatlarni) olish chog’ida to’lagan soliq summalari 
ham quyidagi tovarlarni (xizmatlarni) olib yoki olib kirish chog’ida, agar bu 
tovarlarni (xizmatlarni) olish amalga oshirilayotgan faoliyat turiga bog’liq bo’lmasa, 
hisobga o’tkazilmaydi: 
1) engil avtomobillar, mototsikllar, vertolyotlar, motorli qayiqlar, 
samolyotlarni, shuningdek motorli vositalarning boshqa turlarini, ular uchun 
yoqilg’ini; 
2) alkogol va tamaki mahsulotini;
3) vakillik xarajatlarini. 
Ushbu moddaning birinchi va ikkinchi qismlarida ko’rsatilgan tovarlar 
(xizmatlar) bo’yicha hisobga o’tkazilmaydigan soliq summasi bunday tovarlarning 
(xizmatlarning) qiymatida hisobga olinadi.