O‘zbekiston respublikasi xalq ta’limi vazirligi samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi tillarni o‘qitish metodikasi kafedrasi

Fan bo‘yicha tinglovchilarning bilimi, ko‘nikma va malakalariga qo‘yiladigan talablar
Tinglovchilar ona tili o‘qitish metodikasi fanining bo‘limlarini, ilmiy asoslarini, tamoyillarini, o‘zaro bog‘liq fanlarni, tekshirish metodlarini, ta’lim jarayonida qo‘llanadigan metodlarni, dars tiplari va tarkibini, savod o‘rgatish metodikasi, o‘qish metodikasi va sinfdan tashqari o‘qish metodikasini, fonetika, so‘z tarkibi va so‘z yasalishini, orfografiya, sintaksis hamda punktuatsiya elementlarini, so‘z turkumlarini o‘qitish metodikasini, shuningdek, tinglovchi ona tili o‘qitish metodikasining bo‘limlarini, ona tilining nazariy asoslari va ta’lim tamoyillarini, o‘qitishning asosiy usullarini, boshlang‘ich sinflarda ona tili o‘qitish metodikasi sohasida olib borilgan tadqiqotlarni va fanning muhim bo‘lgan muammolarni, o‘quv-tarbiya jarayonini tashkil etishning eng qulay foydali shakllari, usullari va vositalarini bilishi kerak.
Ona tili darslarida ta’lim va tarbiya birligi tamoyiliga amalqilish, o‘quvchilarda ilmga qiziqish uyg‘otish, aqliy sifatlarni rivojlantirish, darslarni mustaqil rejalashtirish ko‘nikmalariga ega bo‘lishlari kerak.
Kichik yoshdagi o‘quvchilarning tildan bilim, ko‘nikma va malakalari darajasini o‘rganish va baholash. O‘quvchilarning nutqiy, imloviy va boshqa xatolarini tahlil qilish, guruhlash va kelib chiqish sabablarini aniqlash hamda xatolarning oldini olish va bartaraf qilish ustida ishlash malakalariga ega bo‘lishlari kerak.


Fanning o‘quv rejasidagi boshqa fanlar bilan o‘zaro bog‘liqligi, uslubiy jihatdan uzviyligi va ketma-ketligi
Fan o‘quv rejasidagi o‘zaro bog‘liq barcha ishlar ruxshunoslik psixologiya, pedagogika, logika, hozirgi zamon o‘zbek tili va bolalar adabiyoti bilan jips bog‘lanishi kerak. Tinglovchilarning bilish faoliyatini faollashtirish asosida ularni ilmiy tekshirish ishlarini, ya’ni eksperementga, to‘garak ishlariga, ilg‘or o‘qituvchilarning ish tajribalarni o‘rganish va ommalashtirishga, referatlar, ma’ruzalar, kurs ishlari va nihoyat bitiruv malakaviy ishi yozishga jalb qilish bilan materialni muammolar bo‘yicha o‘rganish tavsiya etiladi.