O‘zbekiston respublikasi xalq ta’limi vazirligi samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi tillarni o‘qitish metodikasi kafedrasi

direktor o`rinbosari Kafedra mudiri
_____________A.Ibragimov ___________S.Yuldasheva
Samarqand – 2019
S.Yuldasheva, D.Jurayeva. Boshlang’ich sinflarda o’qitish huquqini berish berish bo’yicha kasbiy qayta tayyorlash kursining ona tili o’qitish metodikasi fanidan o’quv-uslubiy majmuasi. – SamDU huzuridagi XTXQTMO hududiy markazi, 2019 y, 273-b.
Ushbu o’quv-uslubiy majmuaboshlang’ich sinflarda o’qitish huquqini berish bo’yicha kasbiy qayta tayyorlash kursi tinglovchilari uchun mo’ljallangan.
Taqrizchilar: Filologiya fanlari doktori,
professor J.Eltazarov
Filologiya fanlari doktori,
professor D.O`rinboyeva

Samarqand viloyati XTXQTMO hududiy markazining Ilmiy-metodik kengash yig’ilishning yig`ilish 2019-yil 22 apreldagi 2- sonli qarori bilan o’quv-metodik majmua sifatida tasdiqlangan.

KIRISH
Ushbu dastur ona tili o‘qitish metodikasining tarixi va rivojlanishi, bo‘limlari, ona tili adabiyoti ta’limi sohasini tashkil etish shakllari va mazmuni, o‘qitish usullari kabi masalalarni qamrab olgan.
Fanning maqsadi va vazifalari


Fanning asosiy maqsadi – tinglovchilarni boshlang‘ich sinflarda ona tili fanining mazmuni va vazifalari, o‘qitish usullari, ta’limiy vositalar bilan tanishtirish va ularni ta’lim jarayoniga tatbiq etish bo‘yicha bilim, ko‘nikma va malakalarni shakllantirishdir.
Fanning vazifalari - ona tili ta’limi sohasi bo‘yicha davlat ta’limstandarti va o‘quv dasturining mazmuni va talablari, shuningdek, maktab darsliklari mazmuni va metodik qurilish bilan tanishtirish. Ona tilidan o‘quv materiali, bolalar kitoblarini, o‘qish va yozishga o‘rgatish uchun kerakli bo‘lgan qo‘shimcha materiallarni, imloviy mashqlarni, diktantlarni, grammatik tahlil, qayta hikoyalash va bayon uchun matnlarni, insho uchun mavzu va materialni tanlash va ulardan foydalanishga o‘rgatish. O‘quvchilarni turli mavzuda suhbat o‘tkazishishga, qayta hikoyalash va hikoya qilishga, bayon va insho, ifodali o‘qish, ijodiy ishlar, diktantlar, til materialini tahlil qilish kabi mashg‘ulotlarga tayyorlash va uni o‘tkazishish, ko‘rgazma va texnik vositalardan foydalanib, o‘quvchilarning bilish faoliyatini va mustaqilligini ta’minlashga o‘rgatish.