O'zbekiston Respublikasi Xalq ta'limi vazirligi Muqimiy nomidagi Qo'qon davlat pedagogika instituti

Тадқиқотнинг илмий янгилиги:

• 
  диссертацияда ўзбек тили лексикаси бўйича бажарилган асосий илмий-тадқиқот ишларига систем-структур тилшунослик нуқтаи назаридан таҳлилий баҳо берилди;
  
• 
  бугунги кунда жаҳон илм-фанида фаол қўлланилаётган майдон назарияси лексик сатҳга нисбатан қўллаб кўрилди;
  
• 
  луғат таркибини денотативлик асосида гуруҳлаб ўрганилди;
  
• 
  семантик майдонни белгилашда сигнификатив маънонинг ўрни аниқланди;
  
• 
  синонимик муносабат ва синонимик уя тушунчалари янгича талқинда шарҳланди;
  
• 
  узуал ва нутқий синонимия кабиларнинг лингвистик хусусиятлари махсус монографик планда тадқиқ этилди.
  

Тадқиқотнинг методологик асослари ва тадқиқ усуллари. Оламнинг яхлит бир системадан иборат эканлиги ва уни ташкил қилувчи элементларнинг ўзаро алоқадорликда тараққий этиши ҳақидаги даилектик фалсафа ушбу диссертациянинг методологик асосини ташкил этади. Мавзуни ёритишда хусусийлик ва умумийлик, моҳият ва ҳодиса, мазмун ва шакл, бутун ва бўлак, имконият ва воқелик каби диалектика категорияларидан унумли фойдаланилди.
Ишда систем-структур тилшуносликнинг зидлаш, компонент (семик) таҳлил қилиш, дистибуция каби тадқиқ усулларига таянилди.
Тадқиқот натижаларининг илмий ва амалий аҳамияти. Диссертация материллари ўзбек тилининг лексик системасини майдон аспектида ўрганиш, семантик муносабат тури сифатида шарҳлаш, синонимия, синонимик уя, семантик қиймат тушунчалари ва ўзига хос хусусиятларини аниқлашда назарий асос вазифасини ўташи мумкин.
Тадқиқотнинг амалий аҳамияти шундаки, ундаги материаллар ўзбек тили лексикологияси бўйича бакалавр таълим йўналиши учун махсус курс ва махсус семинар дарсларини ўтишда муҳим манба бўлиб хизмат қилиши мумкин.
Тадқиқотнинг синовдан ўтиши ва натижаларининг жорий қилинганлиги. Диссертация мавзуси бўйича Қўқон давлат педагогика институтида ўтказилиб келинаётган профессор-ўқитувчиларнинг анъанавий йиллик анжуманларида (2010-2012) маърузалар қилинди.
Диссертациянинг асосий мазмуни муаллиф томонидан эълон қилинган 2 та мақолада ўз аксини топган.