O‘zbekiston respublikasi xalq ta’limi vazirligi a. Avloniy nomidagi xalq ta’limi muammolarini o‘rganish va istiqbollarini belgilash ilmiy-tadqiqot instituti

Fanni o`rgatish natijasida o`quvchilar quyidagi ko`nikmalarga ega bo`lishlari kerak:
- tolalarning olinishiga qarab turlarga bo`linishini, tabiiy va kimyoviy tolalarning bir-biridan farqlay olishi;
- kalava iplar turlarini va ularning xossalarini bilishi;
- gazlama o`rilisharini aniqlay olishi, namunalar tayyorlay olishi;
- gazlamaning o`ngi, teskarisini, bo`yi, iplari yo`nalisharini ajrata olishi;
- tikuvchilikda ishatiladigan gazlama xillarini ajrata olishi;
- gazlamaga mos holda qo`shimcha materiallarning xususiyatlari asosida tanlay bilishi;
- tikuvchilik materiallarining xossalarini aniqlay olish va saqlash usullarini bilishi.
Fanni o`rganish natijasida o`quvchilar quyidagi bilimlarga ega bo`lishlari kerak:
- mavzularning har birini zamon talabiga, iqtisodga, to`qimachilik korxonalari yangiliklariga bog`lay olishi kerak;
- to`qimachilik tolalari, gazlamalarning tarkibi, xossalari, navlari, xillari, xususiyatlari sifatini nazorat qilish haqida bilishi.
“Tikuv buyumlarini loyihalash, modellashtirish va badiiy bezash” fanidan tuzilgan ushbu dastur pedagogika kollejlarida bichish-tikish bo`yicha to`garak rahbarlarini o`qitish uchun mo`ljallangan.
Dasturda mavzular oddiydan murakkabga qaratilgan bo`lib, tikuvchilik texnologiyasi, tikuvchilik gazlamashunosligi, tikuvchilik jihozlari, gazlamaga badiiy bezak berish, ishlab chiqarish iqtisodiyoti, turmush nafosati, chizmachilik, tasviriy san`at, tarix, odam anatomiyasi va fiziologiyasi fanlari bilan uzviy bog`lanadi.
Tikuv buyumlarini loyihalash, modellashtirish va badiiy bezash fani bo`yicha to`garak tashkilotchisining bilim malakasiga qo`yilgan talablar: fanni o`tish texnologiyasida, O`zbekiston “Ta`lim to`g`risida” gi Qonunni va “Milliy dastur”ga amal qilish, mavzularning har birini zamon talabi, iqtisodga bog`lashda, fan bo`yicha Davlat talablariga mos kelishi kerak. Zamonaviy moda yo`nalishini milliy kiyimlarda qo`llanishi, yangi ishlab chiqarishlar va ularning faoliyati, yutuqlari asos qilib olinadi. Yangi tikuv jihozlari, uskunalari, ularning afzalliklari, yangi gazlamalar, ularning qo`llanishi haqidagi ma`lumotlar ham hisobga olinadi. Odam gavda tuzilishini o`rganish va kiyim tayyorlashda anatomiya, morfologiya, plastik anatomiya fanlarini mukammal o`rganish, gavdadan o`lchov olish texnikasini aniq bilish, turli kiyimlar asosiy andaza chizmalarini chiqarishda tahlil qila bilish, ijodiy va amaliy yondashish, kiyim eskizlarini tasavvur qila olish, chizmalarini aniq, toza, tartibli bajarish, texnik modellashtirishga qo`yilgan talablarni mukammal egallash asos qilib olinadi. Model tanlashda, avvalo, gazlamani tanlash, so`ng odam qiyofasiga moslash, uning yoshi va kiyinish madaniyatiga qarab qo`llash mahoratini egallashi lozim.