O‘zbekiston respublikasi xalq ta’limi vazirligi a. Avloniy nomidagi xalq ta’limi muammolarini o‘rganish va istiqbollarini belgilash ilmiy-tadqiqot instituti

Xulosa
Mavzu yuzasidan olib borgan kuzatishlar hamda tajriba ishlarimiz natijasini umumlashtirib shunday xulosalarga keldik:

• 
  boshlang‘ich sinflarda ta’lim-tarbiya murakkab jarayon bo‘lib, bola o‘yin faoliyatidan to‘g‘ri ta’lim faoliyatiga kirishadi. Shu nuqtai-nazardan boshlang‘ich sinf matematika darslarida mustaqil ishlarni tashkil etish o‘ziga xos diqqat e’tiborni, pedagogik mahoratni talab etadi;
  
• 
  mustaqil ishlarni tashkil etishda o‘quvchilarning yosh xususiyatlarini, zehni, xotirasi, qiziqish va qobilyatlari hisobga olinadi;
  
• 
  matematik bilimlarni chuqur o‘zlashtirish uchun o‘quvchilarning darsdan bo‘sh vaqtlarida darslik va qo‘shimcha adabiyotlar bilan shug‘ullanishlarini tashkil qilish lozim;
  
• 
  darsdan tashqari vaqtlarda darslik va qo‘shimcha adabiyotlar bilan ishlashni yo‘lga qo‘yish uchun o‘quvchilarga dastlab, kichik hajmli mustaqil ishlar berib boriladi;
  
• 
  mustaqil ishlash uchun beriladigan topshiriqlar oddiydan murakkabga o‘tish tarzida, hayotga bog‘langan holda berilishi maqsadga muvofiqdir;
  
• 
  har bir mustaqil ish o‘z vaqtida nazorat qilinishi va baholanishi lozim;
  
• 
  uy vazifasi ham mustaqil ish turi bo‘lib, uni tekshirishning turli usullarini qo‘llash o‘quvchilar faolligini oshiradi;
  
• 
  darsdan tashqari o‘tkaziladigan matematik ertaliklar, matematik soatlar o‘quvchilarda qiziqishini oshiradi, mustaqil ishlash va izlanishga undaydi, mustaqil fikr yuritish qobilyatini o‘stiradi;
  
• 
  mustaqil fikrlash – o‘quvchilarning tafakkur doirasini, ijodiy fikrlash salohiyatini kengaytiradi;
  
• 
  o‘quvchilarning yangi o‘quv vazifalari va muammolarini mustaqil yecha olishga, mustaqil holda munozara yurita olishga bo‘lgan tayyorgarlik va qobilyatlarini rivojlantiradi;
  
• 
  o‘quvchilarning o‘ziga xos xususiyatlarini namoyon qilish darajasini oshiradi; o‘quvchilarda o‘quv qobilyatlarini hamda ko‘nikmalarini rivojlantiradi ya’ni, mantiqiy fikrlash, matematik til va belgilardan foydalanish ko‘nikmasi shakllanadi;
  
• 
  mustaqil ishlash jarayonida o‘quvchi matematik ifodalarini izohlay olish malakasi oshadi, natijalarni asoslab, hukm chiqara oladi;
  
• 
  dars jarayonida mustaqil ishlarning turli shakllarini zamonaviy pedagogik texnologiyalar asosida tashkil etish kutilgan natijalarni beradi.