O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

QON OQISHINI TO’XTATISH USULLARI.
Darsning maqsadi. Talabalarga qon oqish turlar va ularni fizik, kimyoviy va biologik usullardan foydalanib to’xtatish o’rgatish.
Jihoz va asbob-uskunalar. O’lgan va tirik hayvonlar va ularning fiksasiya qilish uchun stanoklar, operasion stollar, yumshoq va qattiq to’qimalarni ajratish uchun jarroxlik asbob-uskunalari, og’riqsizlantiruvchi dori vositalari, 3% yodning spirtdagi eritmasi, tikuv materiallari va hokazo.
Darsning o’tilish uslubi. Talabalar o’lik it va boshqa hayvonlarda yumshoq va qattiq to’qimalarni kesish, ajratish usullarini, teri, fassiya va muskul qatlamlarini biriktirish, tikish usullarini o’rganishadi. Mavzu o’zlashtirilgach, tirik hayvonlarda o’zlashtirilgan usullar mustahkamlanadi.
Talabalar tomonidan bajarilgan ishlar o’qituvchi tomonidan nazorat qilinadi va baholanadi. Talabalar guruhlarga ajratilib har bir guruh mustaqil Operatsiya qilishi uchun jarroh, jarroh yordamchisi, assistent, Operatsiya maydonchasini tayyorlovchi, og’riqsizlantiruvchi va fiksatorlar tayinlanadi. Operatsiya doirasini tayyorlash, qo’lni zararsizlantirish, og’riqsizlantirish, to’qimalarni kesish, qon oqimini to’xtatish va to’qimalarni tikish, har xil usullardan foydalanib bajariladi. Bunda talabalar o’zlarining bilimlarini, o’tilgan mashg’ulotlarini qaytadan mustahkamlaydilar.
O’qituvchi o’tilgan mavzuga yakun yasab, talabalarning bajargan ishini va o’zlashtirilishini baholaydi.


Qon oqishlarini to’xtatish
Qon oqishning oldini olish - profilaktika

1. 
   Operatsiya boshlanishidan bir kun oldin qora mollar va otlarga 400-500 ml, mayda mollarga 40-50 ml miqdorida qon qo’yiladi.
   
2. 
   Operatsiyadan bir kun oldin gipertonik eritmasi (10% eritmani 120 ml miqdorida) vena tomiri orqali yuboriladi.
   
3. 
   Povajenko bo’yicha bo’yicha Operatsiya o’tkaziladigan joy to’qimasiga 100 gr novokain zardobga aralashmasi yoki 5 ml 10% novokain eritmasi – giperimunlashgan, kuydurgi kasalligiga qarshi zardob qo’shilgan aralashma kata molarga yuborilib infiltrasiya usuli Bilan og’riqsizlantiriladi.
   
4. 
   Oyoq, jinsiy a’zo, dum qismlarida Operatsiya o’tkazishdan oldin, yaraning yuqori qismiga Esmarx jguti qo’yiladi. Qon to’xtatish. Vaqtincha qon lqishni to’xtatish usullari: qonab turgan yerdagi qon tomirini panja yoki qo’l yordami orqali bosiladi, bu ishni sifatli bo’lishi uchun topografik anatomiyani yaxshi bilish kerak, lekin bu usul veterinariya amaliyotida kam ishlatiladi.